Zuud-Beveland

Uut Wikipedia

Zuud-Beveland

Zuud-Beveland is 'n vòmaeleg eiland in de provincie Zeêland. 't Leit tussen de Oôsterschelde en 't Veerse Meer in 't noorden, de Onte in 't zujen, Noord-Braebant in 't oôsten en Walcheren in 't westen. 't Eiland eit ongeveer 90.000 inweuners, verdeeld over vier gemeênten: Bossele, Goes, Kapelle en Reimerswaol.

[bewerk] Geografie

[bewerk] Geschiedenisse

In de prehistorie en de Romeinsen tied was Zeêland groôtendeêls landmasse en goed beweund. Daer kwam in de derde en vierde eêuwe 'n ende an deu groôte overstroômiengen en de eêuwen daenae was 't laetere eiland zoô goed as onbeweund. In de middeleêuwen wieren de slikken bitje bie bitje bediekt en kwam d'r weer beweunienge. Ok de visserie is eel belangriek. De rieke vruchtbaere grond van de slikken bin goed geschikt vò landbouw. In de tiende eêuwe duukt Goes op. De volgende eêuwen is Reimerswaol de belangriekste plekke van 't eiland. Dat bleef zoô toet de Sint-Felixvloed in 1530 groôte stikken land rond die stad wigspoelde. Laetere sturmvloeden maekten 't eilandje daer-a de stad op lag nog kleiner, toetdat ze uutendelienge verlaete wier; 't land daer-a Reimerswaol oôit op lag eêt 't Verdroenke Land van Zuud-Beveland. Ierdeu bleef Goes as eênegste stad over. In d'n Tachentegjaeregen Oorlog ao 't gebied vee te maeken mee oorlogs'andeliengen. Opvallend was dan lokaole eren ier en daer 't katholicisme beschermde, ok a wier van bovenaf 't calvinisme opgeleid. 't Bleef nae d'n oorlog rusteg in Zuud-Beveland en vanaf de achttiende eêuwe stagneerde 't gebied zienderoôgen. In 1868 kwam Zuud-Beveland uut z'n isolement deu de spoorverbindienge mee Roôzendael en 'n paer jaer laeter mee Middelburg en Vlissienge. Ok wier in dien tied (1866) 't Kanaol deu Zuud-Beveland geopend. In d'n Oorlog, op 16 meie 1940, wier d'r 'n zwaere slag geleverd bie Kapelle, daerbie vee Franse soldaoten sneuvelde. In 1950 wier d'r vò ulder 'n militair kerk'of ingesteld. Bie de Ramp op 1 februari 1953 wier Zuud-Beveland groôtendeêls gespaerd; wat-a onder waeter kwam te staen lag minder diep as bevobbild Schouwen-Duveland, zoôdan d'r ier vee minder doôien viele. De Deltawerken è gezurgd vò 'n dam mee Noord-Beveland. In 1970 kwam d'r 'n gemeêntelike erindeêlienge die 't antal gemeênten vrommebrocht toet vier.

[bewerk] Dialect

[bewerk] Toerisme

[bewerk] Infrastructuur

Provincie Zeêland
Gemeênten Bossele \| Goes \| Kapelle \| Middelburg* \| Noord-Beveland \| Reimerswaol \| Schouwen-Duveland \| Sluus \| Terneuzen \| Tole \| Ulst \| Ter Veere \| Vlissienge
Waeterschappen Zeêuwse Eilanden - Zeêuws-Vlaonderen
Belangrieke streken Schouwen - Duveland - Noord-Beveland - Tole en Flupsland - Walchren - Zuud-Beveland - Zeêuws-Vlaonderen
Nederland \| Provincies \| Gemeênten