Kapelle

Uut Wikipedia
Hi nae: navigaotie, zoeken
Liggienge van Kapelle in Zeêland
Kapelle, Station

Kapelle òk we Kapel'n ('t klienkt int Zeêuws as Kapaelle, mee een lange 'ae') is 'n gemeênte en groôt durp in Zeêland, op 't eiland Zuud-Beveland, tussen Goes en Reimerswaol in. De gemeênte beslaet 'n oppervlak van 49,73 km2 en ao op 1 januaori 2007 12.026 inweuners, daevan d'r 6.637 in of roend 't durp zelf weunden. Nessens de oôdplaese leie in de gemeênte nog de durpen Biezelehe, Schore en Weumelinge en de buurschap Eversdiek. De gemeênte Kapelle grenst zoôwel an de Schelde as an de Onte.

Durpsfuncties[bewerk | brontekst bewerken]

't Durp ei 'n klein antal functies, daeronder op sportgebied, die van belang vo de gemeênte bin. Ondanks dat de stad Goes zoô kortbie leit ka je zeie dat de gemeênte nog best zelfverzurgend is. Bie Kapelle leit 'n groôt industrieterrein daer-an onder meêr groenten uut eêl de regio verandeld ore. Bie Biezelehe staet 'n conservefabriek. Aol die industrieën draoie op de tuunbouw, die-a ier te plaese vee vokomt. D'r is zelfs een museum over de tuunbouw, het Fruitteeltmuseum.

Durpsanzicht[bewerk | brontekst bewerken]

Kapelle oort gedomineerd deu de groôten toren bie de veertiende-eêuwse durpskerke, mee middeschip en noôrdkoôr uut de vuuftiende eêuw. Kapelle en Biezelinge zien gald elemaele anmekaore gegroeid; de eênige scheiing oort uutgemaekt door de spoorlien van Vlissienge nae Bergen, ok wè de Zeêuwse lijn henoemd. Juust buten 't durp leit d'r 'n Franse begraefplaese, daer-an de Franse soldaeten leie die-an bie d'n Duutsen inval in 1940 gesturven bin.

Zusterstad[bewerk | brontekst bewerken]

Kapelle ei ok een zusterstad, naemelijk Melton Mowbray, een stad in 't Iengelse hraefschap Leicestershire.

Geboren in Kapelle (durp)[bewerk | brontekst bewerken]

Plae'ies[bewerk | brontekst bewerken]


 
Provincie Zeêland
Flag of Zeeland.svg
Gemeênten

Bossele | Goes | Kapelle | Middelburg* | Noord-Beveland | Reimerswaol | Schouwen-Duveland | Sluus | Terneuzen | Tole | Ulst | Ter Veere | Vlissienge

Waeterschappen
Zeêuwse Eilanden - Zeêuws-Vlaonderen
Belangrieke streken
Schouwen-Duveland - Noord-Beveland - Tole en Flupland - Walchren - Zuud-Beveland - Zeêuws-Vlaonderen
Nederland | Provincies | Gemeênten