Biebelgordel
De biebelgordel, ook wel Bible Belt is een aanduuding voor de geografische band in Nederland die loapt van het westen van Overiessel naar Zeeland. Hier weune relatief vee bevindelijk grifformeerden, oak wel aan'eduud als de zwartekousenkerken. Voo'beelden van bevindelijk kerken binne de Hersteld Hervormde Kerke, Grifformeerde Gemeênten, Grifformeerde Gemeênten in Nederland in Oud Grifformeerde Gemeênten in Nederland.
[bewerk] Ligging
De beste indicaosie voo de ligging van de biebelgordel vurmt de aanhang van de Staatkundig Grifformeerde Partij bie de verkiezingen. Ok de ChristenUnie heeft binnen de biebelgordel meer aanhang dan in aore streken van Nederland.
De biebelgordel loapt globaal van de Zeeuwse eilanden en het Zuud-'Ollandse Goeree-Overflakkee via het rivierengebied van de provincies Zuud-'Olland, Noord-Brabant, Utrecht, en Gelderland, door de Gelderse Vallei en de Veluwe naar Overijssel. Plekken mit 'n groot aandeel van bevindelijk-grifformeerden in de bevolking, as Staphorst, Genemuiden, Elspeet, Barneveld, Scherpenzeel (Gelderland), Ederveen, Ede, Opheusden, Nieuw-Lekkerland, Hardinxveld, Werkendam, Wijk en Aalburg, Sprang-Capelle, Ouwdurp, Menheerse, Flupland, Scherpenisse, Stavenisse, Krunige, Krabbendieke, Iese, Schraevenpolder, Borssele, Erremu, Melis en Aegte liggen in dit gebied. Enkele plekken die buuten het gebied liggen, maar waor wel relatief vee bevindelijk grifformeerden weune, zien Rijssen en Urk.
[bewerk] Literatuur
- Jan Dirk Snel, Waarom daar? De Refoband of Refogordel als onderdeel van de Protestantenband, in: Fred van Lieburg (red.), Refogeschiedenis in perspectief. Opstellen over de bevindelijke traditie (Heerenveen: Groen, 2007), p. 51-91, ISBN 978-90-5829-780-8
- Willem Oosterbeek, Gordel van God: een voettocht langs 's Heeren wegen (Wormer: Inmerc, 2006) ISBN 90-6611-674-9
