Sluus (gemeênte)

Liggienge van Sluus in Zeêland

Sluus (Nederlands Sluis) is 'n gemeênte in Zeêland, in Zeêuws-Vlaonderen, die-a ongeveer gliekstaet an 't Land van Kezand. Op 1 augustus 2006 ao de gemeênte 24.370 inweuners; 't oppervlak bedraegt 308,41 km² (daevan 1,94 km² waeter). De gemeênte bestaet uut de plekken Aerenburg (Aardenburg), Sint Anna ter Mu (Sint-Anna ter Muiden), Bresjes (Breskens), Djì (Eede), De Groe (Groede), Iezendieke (IJzendijke), Kezand (Cadzand), Sinte Pier (Nieuwvliet), Schwòndieke (Schoondijke), Sinte Kruus (Sint-Kruis), Truzement (Retranchement), 't Kerkje (Waterlandkerkje), Dwòfdplaote (Hoofdplaat), Wòstburg (Oostburg; ier staet 't gemeênte'uus) en Zuuszande (Zuidzande). Vee van die plekken è stadsrechten. Vedders bin der nog vreêd vee ge'uchten en buurtschappen.

Sommige plekken in de gemeênte Sluus ore bie de oudste van Zeêland, zoô was Aerenburg de allereêrste stad in de laetere provincie. An d'n aore kant is 'n groôt deêl van de gemeênte pas in de negentiende eêuwe in cultuur gebrocht; dae weune noe nog altied weinig lui. De gemeênte Sluus is in 2003 ontstae uut saemevoegienge van de ouwe gemeênten Sluus-Aerenburg en Wòstburg. Daevò was t'r tot 1995 al 'n vee kleinere gemeênte Sluis.

Dr bin oek vee gehuchten in de gemeente Sluus, zoals Turkije ( Turkieje ) Boerenhol ( Boer'nol ) Nummer Één ( Nummer Jin ) Sasput ( Sasput ) Heile ( Eile ) Ter Hofstede ( T'r Ofste ).

Sluus is een krimpgemênte. De gemêênteraod will’n saom’n mee Ternzeuzen en ‘Ulst de krott’n in de diverse kern’n anpakk’n. Mao dâ kost weer een boel gèld an sloop wèrk. Een aor groôt project van de leste jaeren is het project Waoterdunen, een nieuw natuurhebied. In Middelburg en ulder alles in’t wêrk ê gesteld om dâ plan Waoterdunen deu te laot’n gaon, terwijl ze wist’n dâ 85% van de bevolking iere d’r op tegen is. Ook de noe zittende gemêênteraod en het college van b&w è z’n eih’n d’r van afgemaokt mee te zegg’n dat di gêên zaok mêêr is van de gemêênte mao van de provincie.

Zetelverdeêling gemeênteraod

De gemeênteraod van Sluus bestit uut 19 zêtels. Hieronger stit de saomenstellieng van raod sins 2006:

Gemeênteraodszêtels
Partij	2006	2010
VVD	2	3
CDA	3	3
Gemeêntebelangen	2	3
PvdA	4	3
Durpsbelangen en Toerisme	4	2
Liest Babijn	-	2
Helder Zeêuws	-	2
D66	-	1
Nieuw West	4	-
Totaol	19	19

¹ Gemeêntebelangen, Nieuw West en Liberaol Sluus (nie vermold) bin sins 2010 'efuseerd en gae noe vadder onger de naom "Nieuw Gemeêntebelang"

Topograofie

Topograofische gemeêntekaort van Sluus, per dec. 2013

Zie ok

• Johan Hendrik van Dale