Reimerswaol (gemeênte)

Liggienge van Reimerswaol in Zeêland

Gemeênte Reimerswaol

Reimerswaol (Ollans: Reimerswaal) is 'n gemeênte in Zeêland, die-a in 't oôste van 't eiland Zuud-Beveland leit. Reimerswaol aod in 2017 onheveer 22.000 inweuners; de oppervlakte bedraeg 243,70 km². In de gemeênte leie de durpen Answest, Bat, Iese, Krabbendieke, Krunehe, Oôstdiek, Rilland en Waerde. Vedders bin der nog de gehuchten Gaewege, Roels'oek en De Stationsbuurte. De gemeênte is in 1970 ontstae uut de ouwe gemeêntes Iese, Krabbendieke, Krunehe, Rilland-Bat en Waerde, en is genoemd nae de middeleêuwse stad Reimerswaol, die-a op 't Verdroenke land van Reimerswaol lag, op de plekke in de Schelde daer-an noe enkelt schorren leie. Nergenst in Nederland 'aelt de SGP bie gemeênteraedsverkieziengen zo'n oôg percentage as 'ier. Dwars deu de gemeênte loôpt vee infrastructuur, zoas de A58, de Zeêuwse lijn, 'oôgspanningsmas'n en het Schelde-Rijnkanaol.

Gemeênteraed

De gemeênteraed van Reimerswaol bestit uut 19 zetels. Ieronher stit de saemenstelling van de raed sins 2006:

Partij	2006	2010	2014	2018
SGP	7	7	7	7
Leefbaar Reimerswaal	3	3	3	3
CU	1	2	2	3
CDA	3	3	3	2
VVD	1	2	2	2
PvdA	4	2	2	2
Totaol	19	19	19	19

Antal inweuners

Durpen	Inweuners
Iese	6.724
Krabbendieke	4.467
Kruninge	4.172
Rilland	2.997
Answest	1.651
Waerde	1.280
Oôstdiek	534

Zie ok

• In Zijn arm de lammeren

Externe lienk

• reimerswaal.nl

Commons

Kiek vò meêr plaetjes over dit onderwerp in de categorie Reimerswaol (gemeênte) van Wikimedia Commons.