Erreburg

Liggienge

Aerenburg in ca. 1560 deu Jacob van Deventer

Westpoorte

Sint Baofkerk

Erreburg of Aerenburg (Nederlands: Aardenburg) is een stad in West-Zeêuws-Vlaonderen mee 2.275 inweuners in 2025. De plekke behoord bie de gemeênte Sluus. Mee carnaval wor Erreburg ok we 't Uulehat enoemt.

Toet 1995 was 't 'n eige gemeênte, daernae toet 2003 deêl van gemeênte Sluus-Erreburg en sinsdien deêl van gemeênte Sluus.

Geschiedenisse

Volgens de gegevens kunnen me toch zeker zeggen dat Aerenburg al van uut ’t steenteidperk een bewoonde plaots geweest is door de vele vuurstenen voorwerpen dat me hier dan ook in de grond vinden é. In de Romeinse tied was ier un vesting. De Sint Baofkerk is de enege kerk in Nederland die in de Vroeg Scheldekotiek gebauwd is. Omdat de verspreiding nooit verder gegaon, dan de Schelde. En die zau gebauwd zien op een plaots waor d'r een kapel gestaon geeft. Een kapel waor me dan bie de opgraovieng in de kerk, toen die kerk in 1944 zwaor deur den oorlog beschaodegd was, is die dan helemaol geristoreerd. De'r staot in de Sint Baofkerk hier in Aerenburg staot er gêên êên pilaore rechte. De'r zein d'r hier oek veel uut Aerenburg toen, onder de graof van Vlaanderen, oek eegetrokken ter kruistocht naor 't Geilege Land. Zei moeten dat ginter die kunst gezien hebben en dat hier beginnen naomaoken, wat ze ginter gezien hebben. We gebben nog een aude stadspoort ook, de Kaoipoort in de volksmond genoemd. En dat is dan nog de enige poorte die overgebleven is van de vier poorten die Aerenburg vroeger had. Nu hebben me nog zô'n aud gebruik dat 's aovonds om acht uren de klokke geluuidwordt. Ze wisten niet hoe laot of 't was, want ze haodden nog gêên herlogies. En zô als ze dan de klokken hoorden luuin, dan wist men dat het acht uren was. En dan ze thuus waren, dan giengen ze nog een bord karnemelksepap eten voordat ze giengen slapen.

Burgemeêsters

Burgemeêsters vanof 1850:

Ambtsperiode	Naom burgemeêster	Partie of stroôming	Biezonderheên
1850 - 1855	Jacob Blindenbach Jz.
1855 - 1888	Pieter Lodewijk Reepmaker
1888 - 1907	Pieter Christiaan Jacob Hennequin	Vrieë Liberaolen	ok burgemeêster van Sinte Kruus
1907 - 1924	Jacob Christiaan Reepmaker van Belle
1924 - 1945	Theodorus Matthias Overmaat
1945 - 1962	Sjef van Dongen	KVP
1962 - 1972	Thijs van Berckel	KVP
1973 - 1985	Willy Lockefeer	KVP / CDA
1985 - 1986	Jack Asselbergs	VVD	waornemend
1986 - 1994	Ed Jongmans	CDA

Bekende inweuners

• Frans Dieleman, heograef
• Raymond de Roon, politicus

Lienks nae buten

• Plaatsengids
• AlleCijfers
• Romeins Aerenburg (Iengels)

Zeêuwse steden

Steden, meê een stem in de Staeten van Zeêland: Hoes · Middelburg · Reimerswaol (tot 1587) · Ter Veere (nae 1574) · Vlissienge (nae 1574) · Tole · Zurrikzeê Smalsteden (gin stem in de Staeten van Zeêland): Brouwes'aeven · Domburg · Erremu · Kortjeen · Smerdiek · Waschappel Steden in Zeêuws-Vlaonderen (buuten het vroegere gewest Zeêland): Aksel · Biervliet · Erreburg · Filepine · Iezendieke · Sas · Sint Anna ter Mu · Sluus · Terneuzen · 'Ulst · Wosburg