Gebruker:BHJ15/Vòbladoud
Welkom op de Zeêuwse Wikipedia!
Jaet, j'eit 't goed gezieë, ier oort 'n afdeêlienge van Wikipedia, de vrieë encyclopedie die-a iedereêne kan bewarke, in 't Zeêuws opgezet. 't Eit d'r maendelang om ge'angen oft 'n d'r wè komme zou, mae sins 1 oktober 2006 staet de eêrste Zeêuwse encyclopedie uut de geschiedenisse toch online. M'èn op dit moment 7.099 artikels.
A je zelf Zeêuws praote, gae je gang dan maer en elp maer mee an dit project: klikt op 'n roôd lienkje en schrieft 't artikel vol, of vult 'n bestaend artikel vedder an. Vergeêt ok nie 't artikel vol te zetten mee lienkjes en die ok weer te vullen - oe meer oe beter, zoôlank a je jen eige maer an de Richtlienen ouwe.
- Vo bie te praoten over van alles wat-a mee Wikipedia te maeken eit mo je in 't Durpsuus weze.
- Oefene kan op 't Strange.
- A je as gebruker opzichter (sysop) of bureaucraot oftewel amtenaer (bureaucrat) wil ore, of a je robotstatus vò 'n account wil anvraege, bin je terechte op Wikipedia:Speciaole gebrukersrechten.
|
Artikel van de maend (Eerdere uutgelichte artikels)  Nieuw-Zeêland (Iengels: New Zealand, Māori: Aotearoa) is 'n land dat-a in de Pacifische Oceaon leit, t'n oôsten van Australië. Nieuw-Zeêland beslit 'n oppervlak van 268.000 km² en a 5,4 meljoen inweuners in 2024. Nieuw-Zeêland besti uut twi hroôte eilan'n, 't Noôrdereiland en 't Zudereiland, twi hescheien landmassa's hescheien deur Straet Cook. 't Zudereiland is 't hroste en wor escheien deur de Nieuw-Zeêlanse Alpen. Den oôgsen berg ierzò is de Mount Cook mie 3754 meters. 't Noôrdereiland is vulkaonisch en der lop een vulkaonische zoône van 't min'n ni 't noôrdoôssen. Den oôgsen toppe, de vulkaon Ruapehu, is 2797 meter. Abel Tasman en zen bemannieng waeren in december 1642 de eêste Europeanen in Nieuw-Zeêland. Ze probeern contact te lène bie de bevolkieng, mè naedan ienkele bemanniengsleedn wiern vermoôrd, trokkn ze ni Tonga. In oktober 1769 kwam James Cook, een Britse luitnant, meêdere keern an land om handel te drieven mie de Māori. In 1790 kwamm diverse walvisvaeders te vaert rondom Nieuw-Zeêland en een poosje iernae vestihen de eêste Europeanen der eihen in Nieuw-Zeêland. Nae deze vestihieng kwammn rehelmaetig onhereldheden voe tussen de Māori, winae a in een pohieng ier een eind an te maeken op 6 feberwari 1840 't Verdrag van Waitangi wier eteêkend. In 1893 was Nieuw-Zeêland 't eêste land 't a 't stemrecht voe vrouwen invoern. Nieuw-Zeêland is een parlementaire democraotie mie een hrondwet en dus ok een constitusjoneel konienkriek. Nieuw-Zeêland is onafankelijk van 't Vereênigd Konienkriek sins 1 jannewari 1907. 't Staetsoôd van Nieuw-Zeêland is Charles III, vertehenwoordigd sins 2021 deur houverneur-heneraol Dame Cindy Kiro. Z'n offisjele titel is His Majesty, King Charles the Third, By the Grace of God, King of New Zealand and His other Realms and Territories, Head of the Commonwealth, Defender of the Faith. Wiste je, dat...
|
