Economie van Zeêland
De economie van Zeêland rich zen eihen vurral op een helieke hroei van de landbouw, de visserie, toerisme en recreatie, industrie, aevens en ok de weuneconomie.
Ok probeêr Zeêland zen eihen te richen op:
- Een sterk concurreer'nde positie
- 't Antrokken van bedrieven uut binn'n- en buutenland
- 't Vernieuwn van lohistieke keet'ns.
Project'n
[bewerk | brontekst bewerken]Sins een antal jaer stagneer de Zeêuwse economie, de baan'n nemen of en 't antal werknemers stijg juust. Dideur ist noe ok noôdig da de werkheleheneid wè stiegt. An den are kant zien der ok wè vee kansen voe de Zeêuwse economie en deze worn noe ok vasteleid in 't Provinciaâl Sociaâl Economisch Beleidsplan (PSEB). Vanuut dit plan wor estreeft ni een betere economie, mè ok een beter milieu en rehels ten opzichte van je neste.
Ok is in Zeêland sins 2 juli 2007 de NV Economische Impuls Zeêland (EIZ) opericht, die a economische ontwikkelieng'n in Zeêland probeêr te stimuleer'n. Dit probeern ze vanuut drie puntn:
- Hroôte projecten faciliteern mie kennis
- Economische promosie
- 't Ontwikkeln en uutvoern van projecten ten baete van de Zeêuwse economie
Vergeleke mee aore provincies ao Zeêland vee baenen in de zwaere industrie en in 't toerisme. De werkloôsheid is naebie nergenst in Europa zoô leêge as 'ier.