Nieuwe Tonge
Nieuwe-Tonge is een plekke op Goereê-Overflakkeê in de provincie Zuud-Olland. De plekke tellende 2.425 inweuners op 1 jannewari 2023, weerbie de mênsen die in Battenoord weune, mee'eteld binne. Rond de durpskerreke leit een gracht. Het durp heit flienk 'eleje mit de waetersnoôdramp van 1953. Naest de wat hoager 'elege kerreke stonge nog mar drie huzen overende. Het durp is dus groôtendeels van nae de ramp. Oak de meule is weer op'ebouwd, D'Oranjeboam uut 1768 stoôt an de Meulediek.
Tot an 1 jannewari 1966 was Nieuwe-Tonge was een eige gemeênte. Deerna wier Nieuwe-Tonge in'edeeld bie de gemeênte Menheerse. Deze gemeênte is op'eheve op 1 jannewari 2013 en is op'ego in de gemeênte Goereê-Overflakkeê.
Rond Nieuwe Tonge was aoltied veel juun, noe bin 't aok veel bloombollen die 'eplant worre. De haevene van Nieuwe Tonge bevin z'n eige bie Battenoord. Naest de Hervormde Kerreke kent het durp oak een Hersteld Hervormde Kerreke en een Grifformeerde Gemeênte.
'Ebore
[bewerk | brontekst bewerken]- Sebastiaan Hendrik Anemaet (1786-1863), eên van de zogenaemde negenmannen
- Johan Jacob le Fèvre de Montigny (1840-1881), burhemeêster van Haestrecht en Vlist
- Cornelis Jacobus Snijders (1852-1939), opperbevêlhebber Nederlandse leger ten tieje van Eêste Waereldoôrlog
- Cornelis Verolme (1900-1981), ongernemer en scheêpsbouwer
Lienks nae buten
[bewerk | brontekst bewerken]
