Dirksland

Dirksland

Hervormde Kerke in 2011

Dirksland is 'n durp en voormaelige gemeênte op Goereê-Overflakkeê. Op 1 juni 2006 ao ze 8335 inweuners en ze beslaet 't oppervlak van 74,16 km² (daevan 18,33 km² waeter). Neast de oôdplekke leie aok de durpen Herken (Herkingen) en Melessant (Melissant) in de gemeênte. Toet 1966 waeren Herken en Melessant eigen gemeênten. Op 1 jannewari 2013 is de gemeênte Dirksland op'eheve en op'ego op in de nieuwe gemeênte Goereê-Overflakkeê.

Dirksland is de plekke weer 't ziekenhuus van Flakkeê is. De waetertoren van Dirksland (vroeger die van Sommerdiek) is op een groôt deel van 't eiland te ziejene. Nae die van Emmeloord is dit de hoagste waetertoren van Nederland. Die van Dirksland is 62 meter hoage. Kraelingen wast 't deel van Dirksland wat dat bie de ouwe gemeênten Melessant en Sommerdiek horende. In de volksmond wier 't oak wel De Pit enoend. Vanaf 1966 viele de inweuners weer onger Dirksland. Tegenwoordig word eigelek nie meer as aparte plekke 'ezieje.

Haevene

Nae de Deltawêrreken is de haevene van Dirksland of'eslote. Hierover is 't volgende gedicht 'eschreve:

"Dirksland, mit je vermoorde haeven

Waer êêns de boeren al de gaeven

Van der akkers hoa gebrocht,

Waer schip naest schip een plekje zocht,

Daer snuve noe de auto's langs.

Waer volle boerewaegens gonge,

De werkers an de horre stonge,

Zitte ouwe mensen op een bank

In aeseme benzinestank

Want de auto's snuve langs.

Allêên in Spuije is't nog druk,

Daer vertrekke truck nae truck

Mit vruchten van ons goeie land

Allemaele nae de "overkant"

Mar op 't durp, daer bluuft het stille,

M'n zouwe 't wel wat levendiger wille."

Plae'ies

• 

  Dirksland op een ouwe kopergravure

• 

  waetertoren

• 

  Meule De Eendracht

Raed

Gemeenteraadszetels
Partij	1998	2002	2006	2010
SGP	4	3	4	4
PvdA	2	2	3	2
VVD	2	2	1	2
ChristenUnie	1	2	2	2
CDA	2	2	1	1
Gemeentebelangen	2	2	2	1
Lijst H.T. Huber	-	-	-	1
Totaol	13	13	13	13

Geboren

• Elco Brinkman, politicus (CDA)
• Richard Groenendijk, cabaratier