De Plaete

Uut Wikipedia
't Ouwe Raedhuis
De Voorstraete

De Plaete (Nederlands: Ooltgensplaat) is 'n durp op Goeree-Overflakkee mit circa 2.200 inweuners. 't leit hillemele an 't oosten van 't eiland. Bekendste gebouw is wel 't ouwe raedhuus. Jaerluks is De Plaete de start in 't ende van de omloap rond Flakkee.

Kortbie De Plaete leit Fort Prins Frederik. Dit fort is 'ebouwd in de 17e eêuwe. Rondom 't fort is een bungalowpark 'ebouwd.

De schole van De Plaete[bewerk | brontekst bewerken]

De stad Toulouse schonk 'n schole an De Plaete
In driejenvuufteg nae de groote waetersnood
M'n binne bie de Ramp niet in de steek gelaete
Oak in et butenland was de compassie groot
Uut heel de waereld wier d'r geld in goed gegeve
Voor wederopbouw van de mensen d'r bestaen
Toen onze durpen hier gebroke achterbleve
Toen wiere m'n geholpe overal vandaen
De stad Toulouse gaf 'n schole an De Plaete
Noe al 'n jaer of sesteg heit die diejnst gedae
Dan komt er 'n moment waerop je mot bepraete
of joe die slope wil of juusr wil laete stae
Puur zaekelek gezieje gae je 't eerste dienke
An verkaop van de grond an 'n ontwikkelaer
Mar, vorders gae je aok behoorlek andacht schienke
An diengen as gevoewl in eerbiejd, is 't geen waer?
Meschien heit Oôstflakkee dat over 't hood gezieje
In an herdienkiengswaerde niet zo gauw gedocht
Gelokkeg dat er burgers tegenwichte bieje
In 'n fesoewnlek plan naer voren hao gebrocht
Et is 'n goewd idee: De schole van De Plaete
In 't kader van de Ramp gemeentemonument
Dit beeld van driejenvuufteg ongeschonde laete
Waerdeur je aok de waerde van de gift erkent
Ik hope dat de Raed z'n eige zal bezinne
Op de betekenisse die de schole heit
Mar binne toch benauwd dat er kaptoal zal winne
Want geld telt deur d'n bank toch meer dan pieteit