Biervliet

't ouwe readuus in 1967

Uus op de mart in 1967. Dat uus bestit nog.

Biervliet is een stadje in de gemeênte Terneuzen. Op 1 jannewarie 2012 ao Biervliet 1.623 inwòòners, 852 mannen e 771 vrouwe. Biervliet kreeg ao in 1183 stadsrech'en. Dur de gunstige liggieng aon ut waoter van de braokman (toen nog in ope verbiending meej de zee) was Biervliet in den middeleeuwe een bloeiende aandelsstad. Ut rijke verleeje van di rustige stadje is goed bewaord gebleve. er zijn pragtige monumentaole paande en kerke te bewondere. Het oorspronkelijke stadje verdween in de zestiende eêuw in de golleven bie een overstroôming. Een nieuwe plekke wier nao 1600 gebouwd, vadder landinwaorts. De belangrijkste bezienswaordig'ede zijn de nederlaands 'ervormde kerk uit 1659 meej pragtige gebraandschilderde raome, de kòòremeule De Aarmonie uit 1842, de ouwe pastorie uit de 17e eeuw en ut ouwe raod'uis uit de 19e eeuw meej een aarieng in de wiendwijzer. Deze wiendwijzer et nie vor niets deze vorrum. De bekendste ienwòòner van is immers Willem Beukelszoon geweest, de uitvinder van ut aariengkaoke (aarieng schoonmaoke op zee en vervolgens inzouten). Op de mart staot een staandbeeld ter ere van 'em.

Mastklimme

Een oud volksvermaok uut Biervliet is het mastklimmen. 'n Paole rechtop zetten midden op de Mart en 't fêêste kon beginnen. Den êêne straote tegen den anderen of 't êêne café tegen 't andere. Succes verzekerd. Op iedere kèremesse. 't Volk strôômende uut de polders nao 't durp. Van boven 'iengt 'r nogal 's een stik spek of 'n woste. As dan de mast nog wa glad gemaokt was mee zêêpe, dan was 't natuurlijk nog vee schôônder. 't Gelach en geroep was nie van de lucht.

Toen koning Willem III 'n kêê naor Biervliet kwam (die was toen 25 jaor konienk in 1874), liep t'r in de stoet ook een delegaotie mee van de mastklimmers. Goed getrainde joenge gasten, die wel 's even zouen laoten zien 'oe ze in Biervliet in de mast goengen. Mao…da was niet nôôdig, want de konienk 'ao nog al vee 'aost en dat onderdêêl wier van 't programma geschrapt. Toen de maojesteit al lange buuten 't durp was, riep t'r êêne: 'Mao wudder èn die mast toch nii voo niks opgezet?' En 't spil kon beginnen. Dao was gêên spek of woste om in de mast te 'angen. 'Dan maor 'n tonne bier,' riep de kastelein die op de Mart 'n café 'ao.

Veraol in 't dialect van Biervliet

Op 't durp is een groentemartje. Van een mart kan je eigenlijk nie mêêr praoten, want d’r staon allêêne nog maor ’n groentekraom en ‘n kaosboer. Van de winter is de visboer d’r mee gestopt. Êêl vroeger was t ‘r bie ons op de Markt een visbanke. Jaoren geleejen ôôr, wel 200 jaor. Net zôiets as de graanbeurs op de Dam in Middelburg. Trouwens in Brugge is t ‘r nog een visbanke in gebruuk. Dan verkochten de visboeren udder vis in die banke. ’t Was ’n êênvoudig gebouwtje van ’n meter of tiene langk, op pilaoren, mee ’n schuin dek, waorp blauwe leien laogen. ’n Paor schraogen d’r onder en ’s zomers stoeng je uut de zonne, in de winter uut de reegen. En tussen de pielaoren kon je ’n stik zil spannen. En ik ôôr de visboer al schrêêuwen: “Versen èrrienk, tien voor een daolder” En ’n oud vintje spêêkelt z’n bruune straole opzieje om ’n brutalolen ond weg te jaogen. De visboer pakt z’n mesje en snikkert de koppen van d èrriengs af. “Jao, jao, ik maoken ze wel schôône voo joe, baosje.” en even laoter liggen de visjes, die vorige weeke nog in de Noordzee zwommen, onder in de tas. “Kiek, die gaon ‘k ’n kêêr lekker in ’t zout steken”, zegt onzen Wannes, binst a tie z’n eigen omdraoit en naor uus stekkert. “Altiek lekker, zeker van ’t naojaor as de sturm deu de schouwe blaost.” Zô goeng ta vroeger bie ons. Noe zit allêêne nog maor Willem Beukelszeune op de Markt. Mee ’n leege vismande.

• 

  Nederlands Hervormde Kerke

• 

  De Harmonie

• 

  Onze-Lieve-Vrouw Onbevlekt Ontvangenkerke

Bekende inweuners

• Willem Beukelszeune, uutvinder van 't haoringkaoken.

Scholen

• De Komme (RK)
• De Maotjes (òòpenbaor)

Vorzieninge

• Bedrijventerrein
• begraofplaots
• Bibliotheek
• braandweerkaozerne
• kampieng
• Feestruimte
• oreka
• Hotel
• kienderopvang
• Molen
• postkaantoor / aogetschap
• supermartsportgelegen'ede
• Telefooncel
• Huisvesting voor ouderen
• Volkstuinen
• wijkkoördinator
• Wijk- of kernvertegenwoordiging

Rijksmonumenten

• Bibliot'eek aon de Burg. Maorleveldstraot 1
• Woon'uis aon de Burg. Maorleveldstraot 5
• Wienkel/woon'uis aon de Burg. Maorleveldstraot 7
• Vormalig raod'uis aon de Oogstraot 2
• Woon'uis aon de Kerkstraot 11
• NH-kerk aon de Kerkstraot 6
• Woon'uis aon de Mart 5
• Woon'uis aon de Mart 13
• Woon'uis aon de Meulenstraot 7
• Kòòremeule aon de Meulenstraot bij 9
• Dijkkoupure aon de Eiersgatweg 2

Groenstatus

De begraofplaots aon de Beukelsstraot et de status van staandaord groen. de funksie van ut staandaord groen is meej naome aonkleding. aonkleding van de direkte woonomgeving van de bewòòners van de gemeente. ut is dan ok terug te vinde in den wijken (wòònen) en op bedrijventerreine (waarken). staandaord groen is over 'et algemeen wa grootschaliger en ut plaantmaoteriaol bestaot uit afwiesselend groene eesters en uitbundige bloeiers. de beplaantiengsvakke emme een robuuster uiterluk en een kultuurlijk karakter. Ut sentrumgebied et de status van representaotief groen. onder representaotief groen wor verstaon ut groen meej as funktie representaosie, ut dient as een soort visitekaortje naor de burger e de bezoeker. di groen is terug te vinde in sentrumdele van de kerne. ut is over ut algemeen kleinschalig groen waorbij gebruik gemaokt wor van een oogwaordige beplaantiengskeuze meej vormbòòmen, veul bloeiende soorte en eenjarige. De oofdwege Beukelsstraot en de Gentsestraot emme de status van staandaord groen. Ut bebouwde gebied tusse de Noordstraot en de Zouteweg et de status staandaord groen. di geldt ok vor den oek bij de kruisieng Beukelsstraot / Agterweg as de oek bij de kruisieng agterweg weststraot. ut dorpsbos et de status natuurluk groen. onder natuurlijk groen wor verstaon ut groen meej een rekreejaotieve en/of natuurlijke funksie. ut groen bestaot uit gròòtere een'ede en et royaole vakke. ut uiterluk van de bòòme, de beplaantieng en 'et gras emme een meer natuurluk karakter. Ut gras mag oger zijn en de kruidengroei wor gestimuleerd. De beplaantieng bestaot uit in'eemse soorte. natuurluk groen is terug te vinde in gròòte groeneen'ede zoals bevorbeeld langs de kreke en de bossaoges rondom sportvelde.

Externe verwiezieng

• Durpsraod Biervliet