Ulst (gemeênte)

Liggienge van Ulst in Zeêland

Sint-Willibrordusbasiliek

Dubbele poorte

Stad'uus van 'Ulst

Ulst (Ollans: Hulst) is 'n Zeêuwse gemeênte die-a in 't oôste van Zeêuws-Vlaonderen leit. Ze eit 27.382 inweuners op 1 april 2016. Ulst is genoemd naer d'r belangriekste plekke: 't stadje 'Ulst. Aore kernen bin Absdaol (Absdale), D'n Aikant (Heikant), Grauw (Graauw), 't Jaogerke ('t Jagertje) en Schuddebus (Schuddebeurs) - die vurme saeme eên kern -, Kapellebrug, De Kling (Clinge), Kloôster (Kloosterzande), De Kruispouder (Kruispolder) - dit bestae uut vier buurten, naemelik Baoloek (Baalhoek), Duivenoek/Duvelsoek (Duivenhoek), Kruisdurp (Kruisdorp), Kruispouderaov'n (Kruispolderhaven) - Kuitaart, Lamswaerde (Lamswaarde), Nieuw-Naomen (Nieuw-Namen), Paol (Paal), De Snis (Ossenisse), 't Stiejn (Sint Jansteen), Ter'oôlen (Terhole), Usdijk (Hengstdijk), Veugelwaerde (Vogelwaarde), Walsoorden en Zandberg. Daenessens is t'r nog 't buurtje Noôrdstraot (Noordstraat). Zoô omvat de gemeênte 'Ulst ongeveer 't ouwe Land van 'Ulst. Eên bekende polder in deze gemeênte is de Hertogin Hedwigepolder.

Vurmienge

De gemeênte 'Ulst zoô-an me ze noe kenne ontstoeng op 1 januaori 2003 uut de ouwe gemeênten 'Ulst en Ontenisse.

Cultuur

In de gemeênte 'Ulst oor gin Zeêuws gesproken. Wat-an ze d'r spreke bin Oôst-Vlaemse dialecten, die deur ulder liggienge kortbie Antwerpen wè wat op 't Braebants trekke.

De bevolkienge is, ongeweun vò Zeêland, in meerder'eid katholiek. Een bekende fihuur uut de gemeênte is Reinaert de Vos.

Lieste mee burgemeêsters van 'Ulst

Ambtsperiode	Naem burgemeêster	Partij of stroôming
1726 - 1743	J. Moorman
1760 -	Joachim Ferdinand de Beaufort
1814 - 1830	Baron H. van Raden
1830 - 1831	A. Fruijtier
1831 - 1833	Baron H. van Raden
1833 - 1850	J. van Dortmont
1851 - 1873	Philippus (P.P.T.) Pierssens
1874 - 1887	C.C.P. Pierssens
1888 - 1893	L.J.M. van Waesberghe
1893 - 1925	Frans (F.J.L.M.) van Waesberghe
1925 - 1943	Bernard (B.A.Th.M.) Truffino
1943 - 1944	C. van Rooy
1944 - 1944	C. van Duijse
1944 - 1944	J. Hettema
1944 - 1946	P. Blommaert
1946 - 1954	Bernard (B.A.Th.M.) Truffino
1955 - 1964	Albert (A.L.S.) Lockefeer	KVP
1964 - 1984	P.J.G. Molthoff	KVP / CDA
1985 - 1990	Frans (F.A.W.) Jacobs	CDA
1991 - 2002	Antoine (A.A.L.G.M.) Kessen	VVD
2003 - heden	Jan-Frans (J.F.) Mulder	CDA

Lienk nae buten

• Website van de gemeênte

• 
  Stadswallen uut de Tachentigjaorige Oorlog
• 
  Stadsmeulen uut 1792
• 
  Sint-Willibrordusbasiliek
•