Abbekinders

Uut Wikipedia
Naar navigatie springen Naar zoeken springen
'Oeve Plantlust.

Abbekinders (Nederlands: Abbekinderen) is 'n g'ucht in de gemeênte Kapelle en in de gemeênte Goes. In het Kapelse deel weune 31 meê'sen. De beweuners bin we meer op Kloetehe gericht da-a ongerdeel van de gemeênte Goes. Van der Aa omschrieft het g'ucht in 1839 as volgt: Abbekinderen, op sommige kaarten verkeerdelijk onder den naam van Apekinderen voorkomende, buurt in Zuid-Beveland, prov. Zeeland, distr., arr., kant. en ¾ u. Z. O. van Goes, gem. en ½ u. Z. van Kloetinge.

Abbekinders eit sins kort officiële witte pleknaemborden, as gevolg van de inzet van inweuner W. Sloots. Het g'ucht leit nie varde van het Oôsterscheldezieken'uus, tehenwoordig Admiraol de Ruiterzieken'uus en ok nie varde van de A58.

De buurtschap Abbekinders omvat de 'uuzen aan de Abbekindersezandweg. De 'uusnummers 9-21 en 6-20 vallen onger de postale weunplekke Kloetehe mar we in de gemeênte Kapelle en ao een eihen pos'code (4482). De 'uusnummers 1-7 en 2-4 bin inmiddels in de bebouwing van Goes komme te lihhen en valle ok onger die stad.

Het Waeterschap eit in oktober 2009 de Abbekindersezandweg ofgesloten voo deurgaend verkeer, omdat deze weg vee as sluuproute wier gebruukt deu verkeer van en nae Goes, en dit weegje daar nie op berekend is. Ok de Groeweg, Wrangeweg en Spaenweg waere ofgesloten voor deurgaend verkeer, mae bin in feberwari 2011 wee opengesteld om bie te draegen an de deurstroôming van 't verkeer rond het zuujen van Goes.