Loôperkappel

Uut Wikipedia
Liggienge
Waepen van Loôperkappel

Loôperkappel (Nederlands: Looperskapelle) is een g'ucht in de gemeênte Schouwen-Duveland. Noe telt 't mae een stik of wat uuzen, vroeher wast een echt durp. D'r is nog we een begraefplekke. De naem ei betrekking op een kappelle'ie van de femilie Loôpers. De ouwste vermoldieng van de naem is uut 1324, as Lopers Capelle, 'oewe 't in 1280 nog wier vermold as Capella.[1]

De kerke is in 1590 of'ebroke voo de omwalling van Brouwes'aeven. Loôperkappel was een eige gemeênte toet an 1813, toen 't mee Briepe en Klaoskinders wier toe'evoegd an de gemeênte Duvendieke. Van 1961 toet an 1997 behorende het toet de kleine gemeênte Middenschouwen.

Waepen[bewerk | brontekst bewerken]

Het waepen van Loôperkappel bevat in zulver een man van saobel. Het komt voo in de 17e eêuw [2] en wier op 31 juli 1817 in'esteld, toe-a de gemeênte al nie meer bestong.

Noôten[bewerk | brontekst bewerken]

  1. Beekman, Frans en Huib Uil (1994) Schouwen-Duiveland en de oorsprong van haar plaatsnamen. Goes: De Koperen Tuin
  2. Smallegange, M. (1696) Nieuwe Cronyk van Zeeland, eerste deel. Middelburg: Meertens

Lienks nae buten[bewerk | brontekst bewerken]