't Schutje

't Schutje (Nederlands: Nieuwerkerke Schutje) is een g'ucht in de gemeênte Schouwen-Duveland. Noe telt 't mae een stik of wat uuzen, mae vroeher wast een echt durp. Biezonder is we dat de Zeêuwse naem vee meer wor gebruukt dan de Ollansen. 't Schutje valt onger Kerkwaerve.

De naem vant g'ucht wor voe 't eest vermold in 1298. Toet an 1813 was 'Schutje een eihe gemeênte, toe most bie Kerkwaerve. In de 18e eêuw wier de kerke of'ebroken en in 1820 d'n toren. In 1840 ao 't Schutje nog 26 uuzen en 140 inweuners, noe weunt d'r gin ond meê. De leste schoolmeêster was Jacob van der Have (1768-1838).