Joseph Alleine

Joseph Alleine (gedoôpt 8 april 1634 - 17 november 1668) was een Iengels puriteins predikant. Alleine is vooral bekend geworden deu z'n boek Een betrouwbaere gids nae d'n 'emel.

Biografie

Joseph Alleine wier in 1634 geboren in Devizes, in het graefschap Wiltshire. In 1649 vertrok um voe een studie nae het Lincoln College te Oxford, waera les wier gegeven deu onger aore John Owen en Thomas Goodwin. In 1655 wier Alleine tiejens een vergaedering van de Somerset Presbyterian Classis angesteld as predikant en wier beropen deu de groôte gemeênte van St. Mary Magdalene in Taunton. Saemen mie z'n vrouw Theodosia ging um an de slag in deze gemeênte, waara ok predikant George Newton stong. In 1662 lei koning Karel II duzenden predikanten een preekverbod op. Ongeveer tweeduuzend van ulder wiere op 24 auhustus van dat jaer, de beruchte Bartholomeus Day, as gevolg van de Act of Uniformity uut ulder ambt gezet. Onger ulder ok Alleine. Op 26 meie 1663 wier um gevangen genomen en belandde in de gevangenis van Ilchester. Op 20 meie 1664 wier de predikant vriegelaeten. Ondanks het wettelijk verbod ging um opnieuw an de slag in Taunton. Toen um in een woonuus preekte over psalm 147:20 wier um opnieuw gearresteerd. Lichamelijk liejende um sterk deu deze gevangenschap en op zaeterdagaevond 17 november 1668 stierf Alleine op 34-jaerige leeftied. Onger groôte belangstellieng wier um in het koor van de St. Mary Magdalene in Taunton begraeven, weera George Newton preekte over Lucas 23:28 Weent niet over mij, maar weent over uzelf en over uw kinderen.

Boeken

In z'n korte leven ao Alleine vee boeken geschreven. Ok nae z'n doôd verschenen nog wèrken van um. Groôste kreeg Alleine voorà van het boek An Alarme to unconverted Sinners. Het verscheen postuum in 1671 en wier in groôte antallen verkocht. Een predikant schreef in 1702: Gin boek in het Iengelse taelgebied - de Biebel uutgezonderd - kan het evenaeren weges het antal dat verspreid wier. Er waeren er in dat jaer al 70.000 verkocht onger de titel Sure guide to heaven (Een betrouwbare gids nae d'n 'emel). Voo die tied waeren dat enorme antallen. Het boek verscheen in vee verschillende taelen. Voor zovarde bekend wier het in ieder geval vertaeld in het Duuts, Deens, Italiaâns, Nederlands, Poôls, Portugees, Roemeens en Afrikaans. Het boek is een ernstige oproep tot bekering. Mie alle meugelijke overtuugingskracht probeert Alleine z'n lezers te overreden van de noôdzaek van bekering. Een totaâloverzicht van de uutgaeven van Alleine volgt 'ieronger:

• A Call to Archippus, Londen, 1664
• An Alarme to Unconverted Sinners, Londen, 1672
• Divers Practical Cases of conscience, Satisfactorily Resolved, Londen, 1672
• A Most Familiar Explanation of the Assemblies Shorter Catechism, Londen, 1672
• Mr. Joseph Alleines Directions, for Covenanting with God, Londen, 1674
• Remaines, Londen, 1674
• The True Way to Happiness, Londen, 1675
• A Sure Guide to Heaven: or An Earnest Invitation to Sinners to Turn to God, Londen, 1688
• Hyfforddwr Cyfarwydd I'r Nefoedd, Londen, 1693
• Christian Letters Full of Spiritual Instructions, Londen, [1700?]
• Mr. Joseph Alleine's Rules for Self-Examination, Boston, [174-?]
• The Saint's Pocket-Book, Glasgow, 1742
• The Works of the Truly Pious and Learned Mr Joseph Allan, Edinburgh, 1752
• Useful Questions, Whereby a Person may Examine himself Every Day, Philadelphia, 1753
• The Shorter Catechism Agreed Upon by the Reverend Assembly of Divines at Westminster. To Which is Added, Some Serious Questions very Proper for True Christians to Ask Themselves Every Day, by the Late Reverend Mr.Joseph Allaine. Also a Cradle Hymn, by the Reverend Dr. Isaac Watts, New-Londen, 1754
• The Voice of God in His Promises, Londen, 1766
• The Believer's Triumph in God's Promises, Londen, 1767
• A Remedy of God's Own Providing for a Sinner's Guilty Conscience, [Londen, 1770]
• An Admonition to Unconverted Sinners, Londen, 1771
• Earail Shurachdach Do Pheacaich Neo-Iompaichte, Dunedin, 1781
• An Abridgement of Alleine's Alarm to Unconverted Sinners, Londen, 1783
• Joseph Alleins Grundlegung zum thatigen Christenthum, Lancaster, 1797
• An Earnest Invitation to the Reader to Turn to God, Grantham, 1799

De volgende boeken zijn nog steeds verkrijgbaar:

• A Sure Guide To Heaven (Een betrouwbare gids naar de hemel), ISBN 0851510817, ISBN 978-0851510811
• An Alarm to the Unconverted, ISBN 187844221X, ISBN 978-1878442215