Haerlemmerliede en Spaernwoude
Haerlemmerliede en Spaernwoude (Nederlands: Haarlemmerliede en Spaarnwoude) is 'n voormaelige hemeênte in de provincie Noord-'Olland mie 5.900 inweuners (2018).
't Lig as voormaelige plattelanshemeênte tehen de Randstad an. In 't hebied lig ok 't recreaotiehebied Spaernwoude wiran vee mensen komm'n zwemm'n, vissen en derhelijke.
Op 1 jannewari 2019 ging Haerlemmerliede en Spaernwoude op in de hemeênte Haerlemmermeer.
Heschiedenisse
[bewerk | brontekst bewerken]De hemeênte Haerlemmerliede en Spaernwoude ontstoeng op 8 september 1857 toen an de hemeênten Haerlemmerliede en Spaernwoude saemenevoegd wiern. Eihelijk zou de nieuwe hemeênte Haerlemmerliede eheêten motten ène, mè onder protest wier 't et den uudihe naem vanwehe de rechen van Spaernwoude as oussen van de twi durpen.
Op 27 september 1863 hoeng der een stik van de hemeênte Haerlemmerliede en Spaernwoude of, omdan de stikken Houtriek en Polaonen en Zuudschalkwiek overhiengen ni de hemeênte Haerlem. In 1874 kwam der echter nae inpolderienge de 'Outrakpolder bie.
Op 1 meie 1927 hoengen echter de hemeênten Schoten en Spaerndam ok op in de hemeênte Haerlem, wironder de Veêrpolder, de Zuderpolder, de Romeul'npolder en de Waederpolder. Op 1 oktober 1963 wier de rest (Schalkwiek), wironder 't durpje Zuud-Schalkwiek, overedrohen an de hemeênte Haerlem.
Ok wier in 1963 en 1970 een deêl van den 'Outrakpolder overedrohen an de hemeênte Amsterdam, wat a nie ni de zin was van vee inweuners.