Burg

Burg (Nederlands: Burgh) is een durp in de gemeênte Schouwen-Duveland mie 720 inweuners (2023), tegen de dunen an 'elege. Het is sins jaer en dag met het noordelek d'rvan 'elege Aemstie toet één bebouwde komme 'eworre; deerom beschouwt de gemeênte de durpen oak as één: Burg-Aemstie. De inweuners van dizze durpen zieje dit toch echt aors.

Burg is ontsto om een ringwalburg die ant ende van de negende eêuw wier op'eworpen tegen de Noormann'n. Toet an 1961 wast een zelfstandige gemeênte, weer in 1816 het durp Westerschouwen an was toe'evoegd. Deernae maakte het tot 1997 deel uut van de gemeênte Westerschouwen.

Het toerisme is tehenwordig de voornaemste bron van inkomsten. Rond de rienk van Brug binne wat wienkelties 'evestigd. Vadder is ter nog een flienke supermart. Beziejeswaerdig is 't ouwe stationsgebouw van Burg.