Willibrordbiebel

Uut Wikipedia
Naar navigatie springen Naar zoeken springen

De Willibrordbiebel is 'n versie van de Biebel. 't Is 'n Nederlandstaelihe Biebelvertaelienge van de Katholieke Biebelstichtienge (KBS). Ze wier in opdracht van de Roôms-katholieke Kerke geschreev'n ter vervangienge van de Petrus Canisiusvertaelienge.

't Nieuwe Testamant is as eêste vertaeld ewor'n, uut de Hriekse hrondtekst. De Willebrordvertaelienge bevat vèdder 't geheêle Ouwe Testamant, rechstreeks vertaeld uut de Hebreeuwse hrondtekst. De Biebelboek'n staen in de volgorde zoas hebrukelik binn'n de Roôms-katholieke traditie. De deuterocanonieke boek'n staen biehevolg verwerkt tuss'n de boek'n van 't Ouwe Testamant. De deuterocanonieke boek'n, die-a bie de protestant'n apocrief henoemd ore, bin vertaeld uut de Hriekse hrondtekst (Septuaginta). Dit is de hrondtekst vò dizze boek'n. Ok vò 't eênigste boek wivan men over 'n aenzienlik deêl (2/3) van 't Hebreeuwse origineel beschikt, De wiesheid van Jezus Sirach, gebruukt men dizze alleên vò de reconstructie van de tekst bie fout'n in de Hriekse 'andschrif'n.

Externe verwieziengen[bewerk | brontekst bewerken]