Waetertoren van Dirksland
De Waetertoren van Dirksland wier gebouwd tussen 1939 en 1941. De bouw durende langer deur de Tweêde Wereldoôrlog en de strenge winters in die tied. Toe da'n gebouwd wier stong de toren op grondgebied van de ouwe gemeênte Sommerdiek.
De toren is 62,5 meter hoôge en is ontworpe deur architect J. Gerber. Deze toren was toe de hoôgste waetertoren van Nederland en is nog altied het hoôgste gebouw van Flakkeê. In 1944 hao de Duusters spriengstof angebrocht mit de bedoewling op d'n toren op te blaezen net as de viertoren van Ouwdurp. Dit is gelokkig nie gebeurd.
D'r heit nog een hortie een restaurant in d'n toren gezete, mar dat is ongertussen al weer verdwene.
De Waetertoren van Dirksland is een rieksmonument.