Planete

Aolle planete in 't zunnestelsel en de maen

Een planete in ons zunnestelsel is een 'emellichaem dat volgens de definitie voldoet aon drie voorwaerden. Het hemellichaem:

• Bevindt zich in een baan rond de Zunne;
• Ei genoeg massa om met um z'n eigen zwaertekracht de interne krachten van um z'n eigen lichaam te overwinnen zodat daermee een hydrostatisch evenwicht bewerkstelligd worre (mee aore woôrden gedraegt zich als een vloeistof en is daerdeu na'enoeg rond);
• Ei de omgeving van haar baen schoongeveegd van aore objecten.

Op de IAU-conferentie van augustus 2006 wierre bovenstaande definitie aen'enomen om hemellichamen binnen ons zunnestelsel te classificeren. Hierdoor verloor Pluto de status van planete. Als wè aan voorwaarde 1 en 2 wordt voldaen, mae nie an voorwaârde 3, worre 't betreffende hemellichaem een dwergplanete 'enoemd; voorbeelden bin Pluto, Ceres en Eris. Vò de classificatie van planeten buiten ons zunnestelsel (exoplaneten) bin, onder aore deu de moeilijke waerneming (ze worre nooit rechtstreeks waargenomen mae hun bestaan wordt afgeleid uut de afwijking in de baen và de sterren), nog geen regels vast'esteld.