D'n Overslag

D'n Overslag (Nederlands: Overslag) is 'n durp in Zeêuws-Vlaonderen, in de gemeênte Terneuzen. In 2023 ao D'n Overslag 250 inwòòners, 130 manne en 120 vrouwe. Het durp ligt op de meête, een deel leit in Belhië en be'oort tot de gemeênte Wachtebeke. In 't Belse deel weune iets meer mensen, zo'n 600 (2020). Toet an 1 april 1970 was D'n Overslag een eihe gemeênte, tot an 2003 oorde 't bie de gemeênte Aksel, nao 2003 bie de gemeênte Terneuzen. An De Gebuurte stit de ouwe meuleromp van de Ronde Meule.

Overslag stamt uit de agtste eeuw en was oorspronkeluk een dorp van vissers en koopliede. de naom duidt op de overslag van goejere die werre aongevoerd over de gentse vaort e overrugelaaje op kleinere schepe vor ut traansport naor Gent. Bie 't durp wier een kreeke ofedamt in de middeleêuwen, weer alles overeslogen most worre. Naodat de Sassevoart in 1547 klaor was, verloor 't durp de overslag. Alleêên de naom bleef. Vooral nao de vrede van Münster in 1648 en 't sluuten van de meête tussen de Noôrdelijke en Zuujeleke Nederlan'n wast 'emae over mee de welvaort int durp. De Belgiesj-Nederlaandse grens, die dwars dur Overslag loopt, wor afgebaoked meej zòògenoemde Oôstenriekse grenspaole. Deze vierkaante stene paole zijn geplaotst in 1770 in den periode (1713 tot 1795) da de Zuidelijke Nederlaande ('et uidige België) onder 'et Oôstenriekse keizerriek viele.