Benjamin Netanyahu

Benjamin (Bibi) Netanyahu, Hebreêuws: בנימין נתניהו , (Tel Aviv, 21 oktober 1949) is sins 29 december 2022 premier van Israël. Z'n vôhganger is Yair Lapid. Um was ok van 1996 toet 1999 en van 2009 toet 2021 premier. In 1988 wier um verkozen toet lid van de Knesset. Um was lid toet 1999 en opnieuw vanof 2003. Um is leider van HaLikud.

Netanyahu wier gebore as zeune van Zila (overleje in 2000) en Benzion Netanyahu (gebore op 25 maerte 1910; overleje op 30 april 2012). Um z'n opa van vaoderskante, rabbi Mileikowsky, emigrerende in 1920 van wat noe Pool'n is nae het Britse mandaotgebied Palestina en veranderende de femilienaem in Netanyahu.

Z'n broer Yoni Netanyahu wier doôd'eschoot'n in Oeganda in de nacht van 3 op 4 juli 1976 bie de Operaotie Entebbe, een bevrijdingsactie van het Israëlische leger om gijzelaars vrie te kriegen op Entebbe International Airport. Net as Yoni en z'n aore broer Iddo dienende Benjamin Netanyahu van 1967 tot an 1972 as officier in 't Matkal-commando van 't Israëlische leher.