Jan van Aartsen
Jan van Aartsen (Amsterdam, 15 september 1909 - Vlissienge, 3 feberwari 1992) was 'n Nederlandse amtenaer en politicus vò d' ARP.
Van Aartsen was van 1949 toet 1958 raedslid en wetouwer van D'n Aegt. In 1959 was um korte tied Twidde Kaemerlid.
Um was drie mael minister. Van 1958 toet 1959 van Verkeer en Waeterstaet in 't kabinet-Drees IV en kabinet-Beel II, van 1959 toet 1963 van Volks'uusvestieng en Bouwniever'eid in 't kabinet-De Quay en van 1963 toet 1965 opnieuw van Verkeer en Waeterstaet in 't kabinet-Marijnen.
Van 1 juni 1965 toet 1 oktober 1974 was um Commissaoris van de Konienginne van Zeêland. Um was d'n opvolger van Guus de Casembroot en wier op'evolgd deu Kees Boertien.
Van Aartsen had Zeêuwse wortels. Um was getrouwd en de vaeder van VVD-politicus Jozias van Aartsen. Oôrspronkelijk was um lid van de Grifformeerde Kerken in Nederland maer na d'n oôrlog van de Nederlandse 'Ervormde Kerke.
Lienks nae buten[bewerk | brontekst bewerken]
| vòganger | tied | opvolger |
|---|---|---|
| Guus de Casembroot | 1965 — 1974 | Kees Boertien |