Iesselmonde (eiland)

Uut Wikipedia
't Eiland Iesselmonde
(de Zwiendrechtse Waerd is deêl van Iesselmonde)

Iesselmonde (Ollans: IJsselmonde) is 'n eiland in de provincie Zuud-Olland en valt onger 't Waeterschap Ollandsen Delta ('t oôdkantoôr ligt op 't eiland in Ridderkerke).

't Oort omslòte deu de rivieren de Nieuwe Maes in 't noôrd'n, de Ouwe Maes in 't zuud'n en west'n en de Noôrd in 't oôst'n.

't Eiland ligt ongeveer eên meter onger zeêniveau en de bodem is van jonge zeêklei.

Iesselmonde telt ongeveer 452.000 inweuners (2023), ongeveer 60.000 meer as Zeêland. De oppervlakte is zo'n 137 km2, 'n stukje groter dan de Zeêuwse gemeênte Ter Veere.

Groôte plekken bin Rotterdam-Zuud, Barendrecht, Zwiendrecht, Hendrik-Ido-Ambacht en Ridderkerke.

Deu 't eiland loape de Betuwelijn, de HSL en de riekswegen A15 en A16 plus de A4, A29 en A38.

De riviertjes 't Waeltje, De Devel en De Koedoôd stroômen deu 't eiland.

't Midd'n en oôst'n van Iesselmonde maekt deel uut van de biebelgordel.

't Iesselmonds is de streektaele.

Gemeênten[bewerk | brontekst bewerken]

Iesselmonde bestaot uut de volhende gemeênten:

Zes gemeênten op 't eiland Iesselmonde
Gemeênte Kaertje Liggienge Inweuners
(2023)
Oppervlakte
(land in km²)
Bevolkiengs-
dichteid
(inw./km²)
Albrandswaerd
(Albrandswaard)
in 't west'n 26.000 22 1216
Barendrecht in 't midd'n 49.000 20 2.493
Hendrik-Ido-Ambacht in 't oôst'n 32.000 10 3158
Ridderkerke
(Ridderkerk)
in 't noôrdoôst'n 47.000 23 2022
Rotterdam allene Rotterdam-Zuud
(beneden de Nieuwe Maes)
253.000 41 6129
Zwiendrecht
(Zwijndrecht)
in 't zuudoôst'n 45.000 20 2217
Totael 452.000 137 3291

Plaetjes[bewerk | brontekst bewerken]

Lienk nae buten[bewerk | brontekst bewerken]