Houdsnippen

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves)
Orde:	Charadriiformes (Steltloôperachtegen)

Femielje

Rostratulidae
(Ridgway, 1919)

De houdsnippen (Rostratulidae) zien een femielje uut de orde van de Steltloôperachtegen (Charadriiformes).

Houdsnippen zien hoed hecamoufleerde waeterveugels die an vee lieken op de hewone snippen. Ze èn korte poôten, lange snaevels en zien overwehend bruun. De wuufjes èn beige strepen op der rik en zien elderder hekleurd dan 't ventje.

Voekomm'n

Houdsnippen leven over een hroôt verspreidiengshebied, de pampasnip kom voe in Zuud-Amerika, de houdsnip in Afrika, Zuud-Azië en Australazië en de Australische houdsnip kom voe in Australië.

Broeien

't Nist van de houdsnippen wor emikt op de hrond en dirin worn vier eiers eleid. 't Ventje broei de eiers uut, 't wuufje ei net as bie de jacana's een dominante rolle. Ze paer ok bie meêdere ventjes. Ze verdedig een territorium. De eiers komm'n nae onheveêr 20 daehen uut.

Leefhebied

Houdsnippen leven in moerassihe hebied'n bie waeter en ze eetn wurmen, slekken en aore onhewurvelden, die an ze vang'n bie der lange snaevels.

Taxonomie

Femielje: Rostratulidae
- Heslacht: Nycticryphes
  - Pampasnip (Nycticryphes semicollaris)
- Heslacht: Rostratula
  - Australische houdsnip (Rostratula australis)
  - Houdsnip (Rostratula benghalensis)