Oôsdiek

Oôsdiek (Nederlands: Oostdijk, deu de Oôsdiekers Put genoemd) is een plekke in Reimerswaol in Zeêland mee 620 inweuners (2023), nie varde van de A58. De inweuners worre ok we Puttenaers genoemd.

In 1840 tellende Put 114 inweuners. Tot an 1970 was Oôsdiek verdeeld tussen Krunehe en Krabbendieke. Dat gaf onênigeid, omdat Krunigen meer oôg zou ebben voo het belang van de Puttenaers dan Krabb'ndieke, zodat het eêne deel van Oôsdiek bevoordeeld zou weze boven het aore. Een belangriek persoôn uut die tied was Jan de Bat, de ongekroônde burregemeêster van Oôsdiek.

Het durp eit een eihe schole, de Bornput.

Op Goereê leit een g'ucht mee dezelfde naem, zie D'n Oôsdiek.