Aemelandse Dam

De Aemelânse Dam was een dam in de Waddenzeê die van 1872 tot an 1882 lag tussen Holwerd nae Buren op Aemeland.

In 1840 wier vooresteld om Aemeland mie een dam vast te maeken an Friesland. In 1869 kreeg jonkeer P.J.W. Teding van Berkhout de opdracht om de dam an te leggen, om ofbrokkelieng an de zuudkant van het eiland tegen te 'aen. Het Ryk en de provinsie Friesland broachte ielk 200.000 gulden bie en stichtende de NV Maatschappij tot Landaanwinning op de Friesche Wadden. In 1871 en 1872 wier de dam aneleid. De dam van Holwerd nae Buren had een liengte van 8,7 km. De dam was niet breejer dan 60 cm. en bie 'oôg waeter stong het waeter op d'n dam. Een paer weken later sloog een sturm al gaeten in d'n dam. De dam wier versterkt mar de zwaere sturmen in de winter van 1881 en 1882 verrinnewerende de dam zoôdoewnde dat beslote wier gin reparaoties meer te deowen. Nog aoltied bin delen van d'n dam zichtbaer.