Rothanze

Uut Wikipedia
Hi nae: navigaotie, zoeken
Rothanze
IUCN-status: Veilig
Rothanze
Rothanze
Taxonomische indeêlienge
Riek: Beêsten (Animalia)
Stamme: Chordabeêsten (Chordata)
Klasse: Veugels (Aves}
Orde: Waeterveugels (Anseriformes)
Femielje: Anatidae
Heslacht: Branta
Soôrt
Branta bernicla
(Linnaeus, 1758)

De rothanze (Branta bernicla) is een hanze uut de femielje Anatidae uut 't heslacht Branta.

De rothanze is een zeêr doenkere hanze mie een zwarte kop en nikke bie een witt'n 'alsband en kont. De rik is doenkerhries en de buuk in sommihe hevall'n wit en ars zwart. Ze zien onheveêr 60 cm hroôt en dus vrie kleine voe een hanze, ok èn ze een kort'n staert.

Ondersoôrten[bewerk | brontekst bewerken]

Der zien drie verschill'nde ondersoôrten die an soms as aparte soôrten worn beschouwd, naemelijk:

Iervan kom de hewone rothanze tiedens de broedtied voe in 't wessen van Siberië, en die overwinter in West-Europa, 't Vereênigd Konienkriek, Nederland en Duutsland, vurral langs de Noôrdzeê.

De witbuukrothanze, de soôrt mie een vee lichter'n buuk en flank'n, kom voe op Hroenland, Spitsberhen en Noôrdoôst-Canada, en overwinter in Denemarken, Ierland, de Vereênigde Staeten en 't noôrdoôssen van Iengeland.

De zwarte rothanze, de soôrt mie een zwarte bost en buuk, nog doenkerder as de hewone rothanze, kom voe in 't oôssen van Siberië en Canada en overwinter in 't wessen van de Vereênigde Staeten. Deze soôrte is af en toe ok in de Iese Moer te ziene.

Leefhebied[bewerk | brontekst bewerken]

De rothanze leef in de winter vurral an de kust en langs de inamm'n van rivier'n, wir a 't en zeêhos (Zostera marina) eet en een bitje soôrten zeêwier. De rothanze eet zen eetn op 't land en in ondiep waeter. Are soôrten hanzen volhend eetn noe ok hewoon hos op weilan'n.

In de broedtied leef 'en op de toendra wir a 't plant'n eet as mossen en hos, ier bouw 't en een nist van hos, mistal op heuvelachtig terrein, wir an heêl tot oliefhroene eiers in worn eleid.

Heliekende soôrten[bewerk | brontekst bewerken]

Externe lienk[bewerk | brontekst bewerken]