Kolhanze

Uut Wikipedia
Hi nae: navigaotie, zoeken
Kolhanze
IUCN-status: Veilig
Kolhanzen
Kolhanzen
Taxonomische indeêlienge
Riek: Beêsten (Animalia)
Stamme: Chordabeêsten (Chordata)
Klasse: Veugels (Aves}
Orde: Waeterveugels (Anseriformes)
Femielje: Anatidae
Heslacht: Anser
Soôrt
Anser albifrons
(Scopoli, 1769)

De kolhanze (Anser albifrons) is een hanze uut de femielje Anatidae en mik deêl uut van 't heslacht Anser, de hrieze hanzen. Tevens be'oôr 't een tot de onderfemielje Anserinae.

Uterlijk[bewerk | brontekst bewerken]

Qua uterlijk liek de kolhanze vrie vee op de hrauwe hanze, ie is onder aore wat kleiner; ie is overwehend bruun mie een witte kont. De poôten en snaevel zien oranje of roôzig. Vadder ei de kolhanze een witte strepe die a scheidieng mik tussen de flanke en de vleuhels. 't Opvalnste kenmerk is de witte kolle, een witte vlekke, net as bie een paerd de bles, boven de snaevel. Ok is een verschil in bruun te zien bie de veugel, de kop is 't doenkerste.

't Verschil tussen de Siberischen ondersoôrt Anser albifrons albifrons en de Hroenlansen ondersoôrt Anser albifrons flavirostris is da den eêssen een roôzen en de lessen een oranje snaevel ei.

Heliekende soôrten zien de hrauwe hanze, de dwerghanze en de riethanze.

Hedrag[bewerk | brontekst bewerken]

Kolhanzen haen ieder jaer ni de zelfde plekke trug. Ze broeien in 't noôrn van Rusland en op Hroenland. Kolhanzen verbluven in Nederland vurral van onheveêr november toet maerte, in hebieden hraslan'n en waeter. De miste kolhanzen zitt'n in Friesland. Tussen de hroepen kolhanzen zien vaok ok brandhanzen en hrauwe hanzen te ziene.

Externe lienk[bewerk | brontekst bewerken]