Kleine zilverreiher

Uut Wikipedia
Hi nae: navigaotie, zoeken
Kleine zilverreiher
IUCN-status: Veilig
Kleine zilverreiher
Kleine zilverreiher
Taxonomische indeêlienge
Riek: Beêsten (Animalia)
Stamme: Chordabeêsten (Chordata)
Klasse: Veugels (Aves}
Orde: Eiberachtegen (Ciconiiformes)
Femielje: Ardeidae
Heslacht: Egretta
Soôrt
Egretta garzetta
(Linnaeus, 1766)
Egretta garzetta

De kleine zilverreiher (Egretta garzetta) is een reiher uut de femielje Ardeidae van 't heslacht Egretta.

De kleine zilverreiher is 55-65 cm hroôt en ei een spanwiedte van 88 tot 106 cm breêd. Zen veêrenkleêd is aelemille wit, allaen zen poôten en zen dinne snaevel zien zwart. Zen teên'n zien heêlhroen. In de broedtied èn de adulte reihers ok lange plumen in der nikke en op der bost en wor de kael'n uud tussen de snaevel en de oôhen roôd of blauw. De jonge zien der onheveêr 't zelfde uut. De kleine zilverreiher liek op de hroôte zilverreiher mè dezen ei een hele snaevelbaosis.

Voekomm'n[bewerk | brontekst bewerken]

Kleine zilverreihers komm'n voe in de wermere hedeêlten van Europa, Azië, Afrika en Australië. De miste zien ier standveugels, de veugels uut 't noôrn trokken ni Afrika en Zuud-Azië.

Tot 1950 kwam de kleine zilverreiher allin voe in Zuud-Europa, mè laeter kwamm'n ze ok voe in Frankriek en in Nederland broeien den eêssen in 1979. In 't Vereênigd Konienkriek kwam 't en wat laeter, 't eêste broedheval is uut 1996, mè noe is 't een rehelmaetihe broeier in vurral de kusthebied'n.

Ok zien ze in Noord-Amerika op sommihe plekken alhemeên, op Barbados wier den eêssen ezien in 1954 en ier behon den eêssen te broeien in 1994. Ze zien rehelmaetig te zien in 't hebied van Quebec tot Suriname en Brezilië.

Broeien[bewerk | brontekst bewerken]

Kleine zilverreiher nesteln in kelonies mie are waedveugels in boômen of soms op kliffen. Ze verdedihen 't nist allebei, in een straele tot 4 meter van 't nist of. Ze lèn vier tot vuuf eiers die an 21-25 daehen worn bebroed. 't Zien blauwhroene eiers, mat, wiruut an jonge komm'n die an 40 tot 45 daehen worn verzurgd deur de ouwers.

Eetn[bewerk | brontekst bewerken]

Kleine zilverreihers jaehen in ondiep waeter en moerassihe weilan'n wiran ze amfibieën, vissen, waeterbeêsjes en insect'n eetn. Deze vangen ze deur te renn'n wideur an de proôien worn opeschrikt of deur stille te staene en der proôie te verassen.

Vlucht[bewerk | brontekst bewerken]

Kleine zilverreihers vliehen snel en mie hebohen vleuhels, in tehenstellieng tot de moeizaeme vlucht van de hroôte zilverreiher. Kleine zilverreihers zien over 't alhemeên ok actiever in bewehieng.

Heliekende soôrten[bewerk | brontekst bewerken]

Zie ok[bewerk | brontekst bewerken]