Elisabeth Willeboordse
Elisabeth Willeboordse (Middelburg, 14 september 1978) is 'n Zeêuwse judoka. Ze kom uut in de klasse toet 63 kilo.
Willeboordse is 'n laetbloeister. D'r groôste succes was 't winnen van 't Europees Kampioenschap in 2005. 'n Jaer laeter kwam ze nie vedder as brons; ze wier uutgestuukt deu Sarah Clark uut Groôt-Brittannië, die-a 't toernooi goeng winne. In 2007 'aelde ze brons op 't Waereldkampioenschap. Tussendeu won ze verschillende waereldcup-tournooien. In 2008 stoeng ze in Pekieng op de Olympische Speêl'n. Daer 'aelde ze brons deu in de verliezersfinaole te winnen van de veteraonse Driulis González, die-a a vuuf keêr ao meegedae en altoos 'n medalje gewonne ao.
Medailles
[bewerk | brontekst bewerken]- Goud: 2005 Europees Kampioenschap (-63 kg), Rotterdam
- Brons: 2006 Europees Kampioenschap (-63 kg), Tampere
- Brons: 2007 Wereldkampioenschappen (-63 kg), Rio de Janeiro
- Brons: 2008 Olympische Spelen (-63 kg), Peking
- Zilver: 2009 Wereldkampioenschap (-63 kg), Rotterdam
- Goud: 2010 Europees Kampioenschap (-63 kg), Wenen
Lienk
[bewerk | brontekst bewerken]- Profiel op de webplekke van de Spelen 2008 (in 't Iengels)