Bolus

Uut Wikipedia
Hi nae: navigaotie, zoeken
'n Zeêuwse bolus

'N bolus (ok soms we jikkemien enoemd) is 'n Zeêuws zoet streêkgerecht. Bolussen worren ebakken van een soôrt broôddig dat a in 'n sliert in een spiraolvorm wor operold en mie suukerstroôp en kaneêl bewerkt. Vee bakkers vurmen d'n bolus nae eihen inzicht. Ze worre vaek bie d'n koffie enuttigd, waerbie de (vlakkere) onderkant meêstal mie wa beuter besmeêr wor.

Geschiedenis[bewerk | brontekst bewerken]

D'n bolus wier a tiedens de eêsten helft van de zeventiende eêuw veur 't eêst in Zeêland ebakken deur de bakkers van d'n Sefardiem. 'N joôdse begraafplekke in Middelburg erinnert nog an dezen Portugese joôdse emeênschap, die toen in Zeêland leefde. 'T waere de joôdse bakkers toe toen 't fundament legden voe de nu beroemde zeêuwsen bolussen. De laetere zeêuwsen bakkers e de kunst van 't bakken van 'n hoeie, zeêr smaekelike bolus, waarveur soms stoômovens wor'n ebruukt om 't kaneêlhebak mals te houden, biena tot a in d'n perfectie opevoerd. D'n moderne bolus is deur de Zeêuwen van heneratie op heneratie veredeld en dirom is't 'n echt Zeêuws product.


Lienks ni buuten[bewerk | brontekst bewerken]