Belhië

Uut Wikipedia
Hi nae: navigaotie, zoeken
België

Flag of Belgium.svg
Vlagge van Belhië

Great coat of arms of Belgium.svg
Waepen van Belhië

Europe location BEL.png

Baosisgegevens
Officiële landstaele: Nederlands, Frans en Duuts
Oôdstad: Brussel
Regeriengsvurm: Constitutionele monarchie
Staetsoôd: Filip
Religie: Roôms-katholicisme
Oppervlakte: 30.528 km² (6,2%%waeter)
Inweuners: 10.421.137 (2004)
(341.4 / km²)
Aore gegevens
Volkslied: Brabançonne
Munte: euro (EUR)
UTC: UTC+1 (Zeumertied: jaet)
Nationaole feêstdag: 21 juli
Web | Code | Tel. .be | BEL | +32

Belhië (Frans: Belgique, Duuts: Belgien) officieel ’t Konienkriek België, is 'n West-Europees land begrensd deu de Noôrdzeê in ’t westen, Nederland in ’t noôrden en noôrdoôsten, Duutsland in ’t oôsten, Luxemburg in ’t zuudoôsten en Frankriek in ’t zujen.

België bestaet uut drie verschillende taelgemeênschappen, 'n "Nederlandstaeleg", "Franstaelege" en "Duutstaelege" gemeênschap, en is federaol verdeêld in drie gewesten: Vlaonderen, Wallonië en Brussel.

Heschiedenisse[bewerk | brontekst bewerken]

De oôrsproenkelijke bevolkienge van Belhië bestoeng uut ienkele Keltische stamm'n. Deze wiern in de Romeinse tied binn'n 't hebied tussen de Noôrdzeê, de Rien, de Seine en de Marne ok aneduud as Belgae. 't Hebied maekn toen deêl uut van 't Romeinse Riek.

In de middeleêuwen wier 't 'udihe Belhië verdeêld onder Frankriek en 't Duutse Riek, wibie a de Schelde de hrens was. In de 15e eêuwe wier 't et 't bezit van de Habsburhers en op 't ènde van de 18e eêuwe kwam't in an'n van de Franse. In 1830 von de Belhische Rivvolutie plekke en wier Belhië 'n onafankelijke constitusjonele monarhie.

In den Eêste Waereldoôrlog wier Belhië bieni aelemille bezet deur Duutsland, behalve 't hebied achter de Iesder bleef in Belhische an'n. In de Twidde Waereldoôrlog haf 't Belhische leher nae achttien daehen de stried op en capituleern, winae a 't aele land wier bezet. In september '44 wier 't deur de heallieern bevried.

In 1960 reakende Belhië z'n voormalihe kolonie Kongo kwiet. De laetere jaeren was 't land vaek vreed verdeeld deu de taelstried.

Provincies von België[bewerk | brontekst bewerken]

Demohrafie[bewerk | brontekst bewerken]

De Belhische bevolkienge besti uut drie hemienschapp'n: de Vlaomiengen, de Waolen en de Brusselaers. De eêste hroep is Nederlands spreek'nd en vurm de hroste hroep, de twidden spreek Frans en is de twidden. De Brusselaers zien een krusieng iertussen vanwehe de twideêlieng in 't oôdstedelijk hewest. Vadder is der 'n kleine hroep Duutstaelihen.

De hroei van de Belhische bevolkienge neem of. Dit is ok te ziene in aore lan'n binn'n Europa en dus hin vreemd verschiensel. De vruchbaereid van de Belhische vrouwen lig op 1,56 huus hemiddeld wat a du op 'n verouwernde bevolkieng: 15% van de bevolkieng is ouwer dan 65. De levensverwachtieng voe venters is 75 en die voe vrouwen 81.

Natuur[bewerk | brontekst bewerken]

Belhië ei, ondanks da 't 'n klein land is en 'n hroôte bevolkiengsdichteid ei, vee bos. Eên van de onherepste Belhische stikk'n natuur, is de Ardenn'n. Dit kom ok deur de laehe bevolkiengsdichteid in dit hebied. In Wallonië is 'n derde van 't oppervlak bebost.

Een belangriek Belhisch natuurhebied is de Oôhe Veen'n in de Oôstkantons. Deur de vele neerslag en de lange winters vi'j ier zelzaeme plantesoôrten die a'j in de rest van Belhië nie vin.


Lan'n in Europa
Albanië | Andorra | Armenië | Aâzerbeidzjan | België | Bosnië-Hercegovina | Bulharije | Cyprus | Denemarken | Duutsland | Estland | Finland | Frankriek | Georhië | Griek'nland | Honharije | Ierland | Iesland | Itâlië | Kosovo | Kroâtië | Letland | Liechenstein | Litouw'n | Luxemburg | Macedonië | Malta | Moldâvië | Monaco | Montenehro | Nederland | Noorwegen | Oekraïne | Oesteriek | Poôl'n | Portuhal | Roemenië | Rusland | San Marino | Servië | Slovenië | Slowakije | Spanje | Turkije | Tsjehhië | Vaticaânstad | Vereênigd Konienkriek | Wit-Rusland | Zweden | Zwitserland
Afankelijke hebied'n: Åland | Azoôr'n | Eiland Man | Faeroër | Guernsey | Hibraltar | Jan Mayen | Jersey | Krim | Madeira | Spitsberhen
Niet-Erkende Staeten: Abchazië | Adjara | Akrotiri en Dhekelia | Gagaoezië | Kosovo | Krim | Nagorno-Karabach | Nachitsjevan | Noôrd-Cyprus | Sealand | Transnistrië | Zuud-Ossetië