Athene

Uut Wikipedia
Hi nae: navigaotie, zoeken
't Erechtheion (Acropolis)

Athene is den oôdstad van Hriek'nland en helieke de hroste stad van 't land. Hroôt-Athene ei plusminus 3.700.000 inweuners. 'n Ouwe historische plekke is den Akropolis mie 't Parthenon. Athene is in 'n twintigsen eêuwe flienk ehroied, wat a noe rissulteer in 'n oôhe luchvervulieng, verkiersopstoppiengen en overbevolkienge.

Heschiedenisse[bewerk | brontekst bewerken]

In de bronstied onstoeng bie Athene voe 't iest een meêr heorhaniseerde maotschappij, deêl van de Myceense cultuur, die a rond 1200 v. Chr. zen oôgtepunt viern. Van 900 v.Chr. toet 640 v.Chr. hroein de stad as konienkriek, mie neffen de tredisie Teseus as ieste konieng. Nae de koniengstied kamn ze in de periode mie tirann'n. Deze stell'n wett'n op en ierdeur kam de cultuur te bloeie. In 510 stell'n de Atheners mie 'n ulpe van Sparta een nieuwe staetsvurm, de democraotie op.

Van 494 toet 479 voe Christus was 't 'r oôrlog mie de Perzen, 't a leien toet den overwinnieng van Hriek'nland, wideur a de stad binn'n Hriek'nland nog blangrieker wier. Dit heheven broch twi keer oôrlog mie Sparta, ma da kwam wee hoed. In 338 v. Chr. wier Athene, krek as aore stikk'n van Hriekeland, deur Macedonië overwonn'n.

In 86 v.Chr. wier Hriek'nland inenoom'n deur de Romein'n. In 't Romeinse Riek wiern de blangriekste steeën Rome en Byzantium. Deurda 't riek was opesplitst in oôst en west, lag Athene in 't Byzantijnse Riek. Van 1204 toetan 1458 wier tussen Byzantium, de Fransen en de Italiaon'n om Athene evochen en kreeg Athene Franse, Siciliaonse en Catalaonse 'iersers. In 1458 wier Athene diel van 't Ottomaonse Riek.

In 1822 wier Athene nae Hriekse opstan'n deur de Hriek'n inenoom'n. In 1826 wier 't wee Turks, ma in 1833 wier 't diffinitief Hrieks. Athene wier den oôdstad van 't moderne Hriek'nland.

Geboren in Athene[bewerk | brontekst bewerken]