Rome

Uut Wikipedia
Het Colosseum
De Trevifontein

Rome is den oôdstad van Itâlië, een stad mit meer dan 2 miljoen inweuners. As ouwe hoofdstad van het Romeinse Riek in centrum van de Roams-katholieke Kerke is Rome bijzonder riek aan bezienswaerdigheden. Bekende voorbeelden van bezienswaerdigheden uut de tied van 't Romeinse Rijk zien het Colosseum, het Forum Romanum en het Pantheon.

Een voorbeeld van een bezienswaardigheid van latere doatum is de Trevifontein, uut de 18e eeuw. Het Sint-Pietersplein en de deer elegen Sint-Pietersbasiliek binne ok wereldberoemd.

Een deel van Rome stoat bekend as Vaticaânstad. Ier zetelt de Paus mee z'n medewerkers. Vaticaanstad is een zelfstandige staat, de kleinsten ter wearelt in valt dus niet onger Itâliaons gezag.

Geschiedenisse[bewerk | brontekst bewerken]

Mythe[bewerk | brontekst bewerken]

Romulus en Remus die ezoogd zyn deur de Lupa Capitolina.

In de Ab Urbe Condita moestn de dichters Vergilius en Livius van keizer Augustus vertelln oe da Rome ountstoan is. 't Moeste dudelik zyn dat Rome deur de goodn esticht wos.

Ezô schreevn ze 't veroal van Romulus en Remus, 'n twilienk van Mars en Rhea Silvia, die deur e wolvinne ezoogd zyn. 't Is uutendelik Romulus die in 753 v.Chr. Rome sticht up de 7 euvels van Rome (Palatyn, Aventyn, Capitool, Quirinoal, Viminoal, Esquilyn en Celio).

't Echte verhael[bewerk | brontekst bewerken]

De geschiedenisse van Rome begunt round 1000 voo Christus, toune an de Latynn, en Itoalisch vook, gienkn goan weunn up 2 euvels (Palatyn en Esquilyn) an de riviere 'n Tiber. Doarachter zyn der nog 3 foazn ewist. Round 800 v.Chr. kwaamn der nieuwe dorptjes by up die twêe euvels en oek up e derdn, 'n Celio. Toune en ze oek voe 'n êeste kêe e meur ezet round de Palatyn. In de zesde êeuwe vieln d'Etruskn binn en ze kustn olle dorpn overneemn en ze verênigdn ze toet e stee. In de 4de êeuwe wos er byebouwd up de vier aar euvels en kwamt er e meur round olle zevene.

Doarachter is Rome uutegroeid van e stee tout e grôotmacht die ounder de keizers olle gebied'n rond de Middellandse Zeê veroverd adde en zelfs toet teegn Schotland kwame. Ok de verschillige Keltische stammn (Menoapiërs, Morienn) in nuze streekn moestn nunder overgeevn.

In 330 wundn der in Rome mêer of 1 meljoen mens'n, wa pas in de twintigste eêuwe weer 't geval was.

Bezienswaerdighee'n[bewerk | brontekst bewerken]

  • Colosseum: oude en groôtste arena van Rome. Hêle stikkn zyn deruut oald om de Sint-Pietersbasilieke te bouwn.
  • Sint-Pietersplein en -basilieke: oodkerke van 't Rooms-katholieke geloof
  • Sixtynse Kapelle: in Vaticaanstad, surtout ekend deur de fresco's van Michelangelo (ongermêer de Scheppieng van Adam)
  • Pantheon: bekendstn tempel, olle goodn an der e plekke
  • Forum Romanum: 't bekendste en belangriekste martplein van 't antieke Rome
  • Circus Maximus: in 'n tyd populair om paerdewedstrijden
  • Theoaters van Marcellus en Pompeius
  • Thermn van Caracalla: baduus uut de derde êeuwe
  • Iengel'nburcht: ôorsprounkelik mausoleum van keizer Hadraianus
  • Trevifonteine: founteine woa daj geld mag ingooie
  • Triomfboog'n: ebouwd ter êre van belangryke keizers (de bekendste binne de boog'n van Constantyn, Titus en Septimus Severus)

Sport[bewerk | brontekst bewerken]

In 1960 bin de Olympische Speel'n in Rome 'ewist.

In Rome is voebal populair, mee AS Roma en Lazio Roma. Ze spele aoletweê in 't Stadio Olimpico en ok aoletweê in de Serie A.

Bekende Romein'n[bewerk | brontekst bewerken]

  • Augustus - Romeinse keizer
  • Julius Caesar - Romeinse keizer
  • Francesco Totti (1976) - voeballer bie AS Roma
  • Eros Ramazzotti (1973) - zanger

Externe verwieziengen[bewerk | brontekst bewerken]