Naar inhoud springen

Zeêuwstaelihe Wikipedia

Uut Wikipedia
(Deurverwezen vanaf Zeêuwse Wikipedia)

Den Zeêuwstaelihe Wikipedia is een uuthaeve in den Zeêuwse taele van den online encyclopedie Wikipedia. Den Zeêuwse Wikipedia behun op 1 oktober 2006.

Behintied

[bewerk | brontekst bewerken]

Oprichter van den encyclopedie was Steinbach. Et eêste artikel was - uuteraord - Zeêland.

Actieve hebrukers in de behundaegen waere vadder Bistromatic, Troefkaart, Tamatauenga en Henk K. Aore gebrukers waere Robotje, Suikerdruifje, Multichill, Erik Warmelink, Carsrac, MYRZ en Guusb.

't Antal artikels hroeide van vuufonderd in 2008 nae duuzend in 2011. In 2013 ao de Wikipedia meer as vierduuzend artikels, weeronger ruum duuzend botartikels.

Voorà gebruker Tamatauenga ei vee artikels gemaekt weeronger een 'oôp artikels over beês'n. Henk K lei z'n eihe toe op de Middeleêuwen, de aore gebrukers voorà op Zeêland (durpen enzô). In auhustus 2008 ontstit d'r een groôte rel rondom het artikel Tjako van Schie, weernae enkele actieve hebrukers vertrekke. Tussen 2008 en 2010 is een rustigere periode op de wiki, mee voora biedraehen van Wikix en Ooswesthoesbes. Op 27 september 2011 wor eindelek den hrens van 1000 artikels bereikt mie et artikel Staevenisse. In januari 2012 neemt et antal artikels flienk toe deur ut toevoehen van een groôt antal Franse gemeênten deu Ooswesthoesbes. In 2012 ligt het antal activiteiten op de encyclopedie hoôger dan in de tweê voorhaende jaeren. Ouddorp voegt dan vee artikels toe. In oktober van dat jaer wor een project 'estart om aolle Zeêuwse plekken toe te voehen deu Wasschappelaer en Ouddorp. In jannewari 2013 wier deu gebruker Sangam een project over Tillevisieprogramma's gestart. Vanof september 2013 worre vee artikels toegevoegd deu de gebrukers ~~Zeêland~~ en -zeevla-. In oktober 2013 start ~~Zeêland~~ een project over lan'n. In november 2013 komt gebruuker ~~Zeêland~~ mie et voorstel om een schriefwedstrijd te orgaoniseren.

Mijlpaelen

[bewerk | brontekst bewerken]
Truggeplekt van "https://zea.wikipedia.org/w/index.php?title=Zeêuwstaelihe_Wikipedia&oldid=183857"