Zeêuwse Lagune

Uut Wikipedia
Naar navigatie springen Naar zoeken springen

De Zeêuwse Lagune was 'n gepland bouwproject in de gemeênte Noord-Beveland. 't Zouw moete bestae uut vier kunstmaetige eilandjes in de Noordzeê, westelijk van de Veerse Gatdam.

't Plan wier begin jaeren nul deu d'n ondernemer Marco Doeleman gelanceerd. 'n Ao, naedat z'n restaurant vò diekverzwaerienge gesloopt wier, recht op compensaotie. Daerop stelde d'n vò om 'n vakantie-oord in zeê te bouwen. Nae wat anpassiengen goeng 't uutendelienge om vier eilandjes mee 'n 'otel, 'n restaurant en nege vakantie'uusjes.

Nae jaeren van uutstel kwam 't plan in 2017 op d'n agenda van de Noord-Bevelandse raed. Die was vreêd verdeêld: VVD en Betrokken Noord-Beveland waeren vò, PvdA en Noord-Bevelands Belang tegen. D'n deuslag moch komme van de christelijke partijen, die d'r op d'n aevend van de stemmienge nog nie uut waeren. 't Goeng nie alleên om principes: Doeleman meênde dat de gemeênte 'im dit project al toegezeid ao; zou 't nie meugde deugae, dan dreigde d'n mee 'n schaedeclaim te kommen. Op 4 oktober wier gestemd: nae 'n lange zittienge mee uutzonderlijk vee toeschouwers stemde de christelijke partijen tege.

Ao de raed 'jaet' gezeid, dan was 't nog mae de vraeg gewist of 't plan deugoeng. De provincie ao nog 'neênt' zeie kunne, nie op de lèste plekke omdat 't plan tege tweê belangrieke nota's ingoeng (Verordening Ruumte en de Zeêuwse Kustvisie). Butendien kan d'n ondernemer de Lagune nog op aore plekken anleie.

Externe lienks[bewerk | brontekst bewerken]

Aollebei gebruukt as bron.