Wisconsin

Wisconsin is een staet van de Vereênigde Staeten.

D'r weune 6 meljoen mins'n (2024) op een oppervlakte van 140 duuzend km² (42 inw./km²).

'Oôdstad is Madison, groôste stad is Milwaukee.

Temperatuur in jannewari is -14 toet -4 °C, in juli 15 toet 28 °C.

Op 29 meie 1848 trad Wisconsin as 30e staet toe toet de Vereênigde Staeten.

Heschiedenis

Voadà d'Europeeaenen koloniseêrden wat à noe Wisconsin is, wierd 't bevolkt deu verschillende indiaense volkeren. De plekke was tot d'n 18e eêuw van de Fransen, die 't kwietrochten an d'Engelsen. De naem is via 't Frans afgeleid van 'n Myaamia-woord dat à zohezeid "deze rivier slinger z'n eige deu roôd steên" betekent, 'n verwiezing nae de roôie zandsteênen rotsen van de Wisconsin Dells.

Bie 't hrondhebied van Wisconsin be'oarde oôrspronkelijk oak 'n hebied dat à in 1835 an Michigan wier toehevoegd en noe bekendstaet as 't Bovenschiereiland. Op 29 mei 1848 wier Wisconsin formeêl d'n 30e staet van de Vereênigde Staeten. Tiedens d'Amerikaense Burheroôrlog 'oarde t'bie d'Unie.

Immihraetie

Laeter emigreêrden Duutsers, Polen, Noren, Ieren, Nederlanders, Belzen, Zwitsers en aore Europeaenen nae Wisconsin. Deze immihranten waere op zoek nae betere economische kansen, en in 'n antal hevallen 'è ze motte vluchte vò politieke onderdrukking.

Nederlanders en Belzen

'n Hroep katholieke Nederlanders, bestaende uut vònaemelijk aremekeuterboeren uut Noord-Braebant en Limburg, vertrok nae de staet Wisconsin, waer à ze d'r eige onder meê vestigden in Little Chute en Green Bay. Oak 'n groôte groep Belzen en Nederlanders vestigde d'r eige in de staet, onder andere in Brown County en Kewaunee County. 'n Antal plaetsnaemen (zoàs Belgium en Namur) 'ouwe d' 'erinneringe 'ieran levendig.

Lienks nae buten

• Britannica
• Fact File
• City Population
• Klimaatinfo

• 
• 
•