Veugels

Riek:	Beêsten (Animalia)
Stamme:	Chordabeêsten (Chordata)

Klasse

Veugels (Aves)

De veugels (Latiens: Aves) bin 'n traditioneel erkende klasse van beêsten uut de stam van chordabeêsten (Chordata), d'n onderstam van gewurvelde beêsten (Vertebrata), d'n infrastam gekaekten (Gnathostomata) en de superorde vierpoôters (Tetrapoda).

Evolutiebiologen dienke dan ze uut de reptielen ontwikkeld bin, en wè uut de dinosaurussen. Sommige taxonomen vinde da-je alleên taxa mag maeke mee soorten die-an aollemaele dezelfde vòrouwers ebbe en deêle daerom de veugels in bie de reptielen. De meêsten doeë dat nie, wan de veugels bin zoôwè uterlik as wat de bouw betreft vreêd gespecialiseerd en verschillend, en d'r bin inmiddels meêr veugel- as reptielesoorten. De mainstream-naem vò 'n taxon van reptielen en veugels saemen is Sauropsida; reptielen, veugels en zoogdieren bie mekaore ore Amniota genoemd.

Veugels è d'r vòpoôten toet vleugels ontwikkeld en de meêste soôrten kunne vliege. Ulder lief is bedekt mee veren, zoôas de zoogdieren aeren è. Aors as de reptielen bin de veugels waermbloeieg. Kennisse en studie van veugels oor ornithologie genoemd.

Taxonomie

De taxonomie van de veugels wier a in 1676 beschreve deu tweê Iengelsen, Francis Willughby en John Ray, in ulder boek Ornithologia. Dit systeem wier ok deu Carolus Linnaeus overgenome en is mee 'n paer veranderiengen toet d'n dag van vandaeg gebleve. Wè komme bie de classificaotie probleme kieke zoôas bove beschreve. Aolle noe bestaende veugelsoorten ore bie de onderklasse Neornithes.

KLASSE VEUGELS (Aves)
Onderklasse Neornithes

Superorde Oerkaekveugels (Paleognathae)
- Orde Struusveugelachtegen (Struthioniformes)
- Orde Nandoes (Rheiformes)
- Orde Kasuarissen en emoes (Casuariiformes)
- Orde Kiwi's (Apterygiformes)
- Orde Tinamoes (Tinamiformes)
Superorde Nieuwkaekveugels (Neognathae)
- Orde Waeterveugels (Anseriformes)
- Orde Oenachtegen (Galliformes)
- Orde Dukers (Gaviiformes)
- Orde Futen (Pocidipediformes)
- Orde Sturmveugelachtegen (Procellariiformes)
- Orde Pinguïns (Sphenisciformes)
- Orde Pelekaonachtegen (Pelecaniformes)
- Orde Eiberachtegen (Ciconiiformes)
- Orde Flamingo's (Phoenicopteriformes)
- Orde Roôfveugels (Falconiformes)
- Orde Kraenveugelachtegen (Gruiformes)
- Orde Steltloôperachtegen (Charadriiformes)
- Orde Zandoenders (Pteroclidiformes)
- Orde Duven (Columbiformes)
- Orde Papegaoiachtegen (Psiitaciformes)
- Orde Koekoekachtegen (Cuculiformes)
- Orde Ulen (Strigiformes)
- Orde Nachtzwaolmachtegen (Caprimulgiformes)
- Orde Gierzwaolmachtegen (Apodiformes)
- Orde Scharrelaerveugels (Coraciiformes)
- Orde Spechtachtegen (Piciformes)
- Orde Trogons (Trogoniformes)
- Orde Muusveugels (Coliiformes)
- Orde Zangveugels (Passeriformes)

Ziet ok

Kiek vò taxonomische informaotie over dit onderwerp op de bladzie Aves van Wikispecies.