Trogons

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves)

Orde

Trogoniformes
(AOU, 1886)

Trogoniformes (Trogons en Quetzals)

De orde van de Trogoniformes besti mè uut 1 femielje, de Trogonidae. De femielje Trogonidae besti uut trogons en quetzals, veugels die an leven in tropische bossen over de ele waereld. De miste trogons komm'n echter wè voe in Midden- en Zuud-Amerika. Allin 't heslacht Apaloderma bevat Afrikaanse soôrten en 't heslacht Harpactes Aziatische soôrten.

Trogons eetn insecten en fruit. Trogons èn korte, dikke snaevels, zwakke poôten en een breeë en lange staert. Der vlucht is flienk, desondanks vliehen ze hin hroôte afstan'n. Trogons trekk'n ok nie. Trogons zien vaâk opvallend hekleurd, en de wuufjes èn een aâr verenkleêd dan de ventjes. Opvall'nd is dan de miste metaalhroen en helderroôd zien ekleurd. Vee trogons èn ok een kaele oogrienge, die a hekleurd is. De twi teên'n an elke poôt wiezen bie trogons ni achter.

Ze nestel'n in boomhool'n en termietennest'n. Ze lèn pastelkleurihe eiers. De trogons uut 't heslacht Pharomachrus worn quetzals enoemd. De trogons zien 't miste verwant mie de vetveugel (Steatornis caripensis), de enihe veugel die a 'n nachtelijke vrucht'neter is. De vetveugel leef in grotten in Zuud-Amerika. De trogons en de vetveugel a'n dezelven voorouwer.

Indeêlieng

Femielje Trogonidae
- Heslacht Apaloderma
  - Heêlwangtrogon (Apaloderma aequatoriale)
  - Narinatrogon (Apaloderma narina)
  - Bandstaerttrogon (Apaloderma vittatum)
- Heslacht Euptilotis
  - Heoôrde trogon (Euptilotis neoxenus)
- Heslacht Harpactes
  - Filippijnse trogon (Harpactes ardens)
  - Diards trogon (Harpactes diardii)
  - Roôdrugtrogon (Harpactes duvaucelii)
  - Roôdkoptrogon (Harpactes erythrocephalus)
  - Malabartrogon (Harpactes fasciatus)
  - Roôdnektrogon (Harpactes kasumba)
  - Hroenkoptrogon (Harpactes oreskios)
  - Bruunriktrogon (Harpactes orrhophaeus)
  - Reinwardts trogon (Harpactes reinwardtii)
  - Wards trogon (Harpactes wardi)
  - Whiteheads trogon (Harpactes whiteheadi)
- Heslacht Pharomachrus
  - Kuufquetzal (Pharomachrus antisianus)
  - Houdkopquetzal (Pharomachrus auriceps)
  - Santa Marta-quetzal (Pharomachrus fulgidus)
  - Quetzal (Pharomachrus mocinno)
  - Pauwquetzal (Pharomachrus pavoninus)
- Heslacht Priotelus
  - Hispaniolatrogon (Priotelus roseigaster)
  - Cubaânse trogon (Priotelus temnurus)
- Heslacht Trogon
  - Oranjebuuktrogon (Trogon aurantiiventris)
  - Bairds trogon (Trogon bairdii)
  - Hrieskoptrogon (Trogon citreolus)
  - Rasterstaerttrogon (Trogon clathratus)
  - Hekraâgde trogon (Trogon collaris)
  - Blauwstaerttrogon (Trogon comptus)
  - Blauwkruuntrogon (Trogon curucui)
  - Koperstaerttrogon (Trogon elegans)
  - Massena's trogon (Trogon massena)
  - Zwartkoptrogon (Trogon melanocephalus)
  - Zwartstaerttrogon (Trogon melanurus)
  - Mexicaânse trogon (Trogon mexicanus)
  - Maskertrogon (Trogon personatus)
  - Zwartkeêltrogon (Trogon rufus)
  - Surucuatrogon (Trogon surrucura)
  - Violette trogon (Trogon violaceus)
  - Witstaerttrogon (Trogon viridis)

Uutesturven heslachten:

Heslacht Paratrogon
Heslacht Primotrogon
Heslacht Septentrogon

Ord’n van Veugels