Veêrdienste van Zurrikzeê nae Kats

Uut Wikipedia
Naar navigatie springen Naar zoeken springen
Steiger van het Katse Veer
Veeraeven De Val an de Schouwse kante.

De Veêrdienste van Zurrikzeê nae Kats was een veêrdienste over de Oôsterschelde tussen de plekken Zurrikzeê en Kats. De dienst wier ongerouwen due de Provinciaole Stoômboôtdiensten in Zeêland.

Geschiedenisse[bewerk | brontekst bewerken]

In 1912 nam de Provinciaole Stoômboôtdiensten in Zeêland de veêrdienst tussen Middelburg en Zurrikzeê over van de Zeeuwsche Spoorboot Maatschappij.

In feberwari 1912 kwam de Schouwen in dienst, in hetzelfde jaar ok zusterschip Noord Beveland. Deze veêrboôten waere zo’n 44 meter lang. De boôten voeren vanaf 1912 van Zurrikzeê nae Katscheveer en dan via Kortjeen en Wolfersdiek nae Middelburg. Daer wier an de Loskaai angemeerd.

Op 14 meie 1923 wieren Middelburg en Wolfersdiek geschrapt en ging er een autobus rieje tussen Middelburg en Katscheveer. De Schouwen ging in 1921 nae de Westerschelde. Alleên de Noord Beveland bleef vaere tussen Zurrikzeê en Kats.

Begin jaeren 30 wier besloten drie nieuwe veêrboôten te bestellen, de Koningin Emma, Prins Willem I en de Oosterschelde. De leste boôt verving de Noord Beveland die wier verkocht nae Terschelling. Al relatief snel verdwenen de stoômboôten op de Oôsterscheldeveêrdienst. De Oosterschelde was naemelijk een moderne dieselboôt. Ok was er ruumte op het achterdek om tien auto’s mee te nemen.

Tiejens de Tweêde Wereldoôrlog kreeg de vloot een zweare slag te verwerken. De veerboot Oosterschelde wier saemen mee stik vee aore boôten in de haeven van Bresjes tot zienken gebrocht. Er wier in juli 1940 een veêrboôt ge'uurd om toch nog de dienst uut te kunnen voeren. Dit was het stoomschip Prinses Juliana. Laeter wier de naem veranderd in Prins Hendrik. Op 31 meie 1941 verviel ok Kortjeen en wier de dienst dus ingekort tot Zurrikzeê - Kats.

Op 3 september 1943 wier de Prins Hendrik onger vuur genomen deu Iengelse vliegtuugen. Ok wier de stoômboôt geraekt deu drie bommen, wirnae um zonk. Het was de groôtste ramp voe de PSD in de oorlog, mee een totaâl antal slachtoffers van 11. Het wrak van de Prins Hendrik leit nog aoltied op de boôm van de Oôsterschelde.

In de jaeren vuuftig groeide het anbod op de veêrdienst gestaeg. De Koningin Emma wier dirom verlengd zoôdat nog meer auto’s tegeliek meehenomen konden worre.
 Nog aoltied mos gevaeren worre tot de veêraeven van Zurrikzeê, ‘t Luitje. Om dir te kommen mos deu het 'aevenkanaâl worre gevaeren. De boôt kon niet draoien bie ‘t Luitje en mos dirom ok het 'ele kanaâl achteruut vaeren. Dirom wier besloten een nieuwe 'aeven an de Oôsterschelde te graeven.

Op 31 meie 1958 wier de nieuwe veeraeven De Val geopend. De veêrdienste wier zoô weer een paer kilometer ingekort. Deu het gereêdkommen van de Zandkreêkdam tussen Kats en Wulleminadurp kon ok an die kante de dienst worre ingekort. Vanof 19 meie 1961 voer de veêrboôt nie meer vanuut Katscheveer (gelegen op Zuud-Beveland) mar vanof Kats (op Noord-Beveland). In een werkaeven voo de Deltawêrken wier een anlegsteiger gemaekt.

Het vervoersanbod liep in de jaeren 60 uut de ‘and. Schouwen was nog een eiland en je most, of via Kats of bie Ziepe d’r nae toe. Kopleajers wiere overwoge. Volgens een studie uut 1961 zou de veerdienst evenvee auto’s te verwerken kriege as Vlissienge-Bresjes. Mea in 1962 wier de opdracht toet de bouw van de Zeêlandbrugge gegeve. Vanof 1964 verreze gestaeg de pijlers van de brugge in de Oosterschelde. Vanaf de boôt kon je dat mooi zieje. Op 1 oktober 1965 wier het leste brugdeel van wat toe nog Oôsterscheldebrugge wier genoemd op z’n plekke gebrocht. Op 14 december 1965 maekte de Koningin Emma de leste ofvaert.

Zie ok[bewerk | brontekst bewerken]

Externe verwiezieng[bewerk | brontekst bewerken]