Zandoenders

Zandoenders
Indisch zandoen
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Veugels (Aves)
Orde
Pteroclidiformes (Bonaparte, 1831)

De zandoenders (Pteroclidiformes) bin een kleine orde die a besti uut 1 femielje, de Pteroclididae. Ze leven in woestijn'n en 'alfwoestijn'n in Azië en Afrika. In totaâl bin der 16 soôrten zandoenders.

Zandoenders bin mistal op de hrond te ziene, mè ze kunn'n, net as de duven wiran ze femielje van bin, hoed vliehen. Ze bin aoltied bruinhevlekt as schutkleure in de drohe hebieden wirin an ze leven. Ze leven allin in Azië en Afrika. Zandoenders bin hoed bestand tehen de droôgte, dirrum mot'n ze ok 1 keêr op 'n dag drienk'n. De jong'n kriehen drienk'n deur middel van de ouwers die an waeter mee neem'n deur der bostveêr'n te deurdrienk'n.

De orde van de zandoenders besti uut twi heslacht'n, Syrrhaptes en Pterocles. 't Verschil tussen de twi heslacht'n is da'n de Pterocles allin be'aerde poôt'n ène, en bie de Syrrhaptes bin ok de teên'n evederd. Zandoenders lèn twi tot drie eiers op de hrond.

Taxonomie

De orde van de zandoenders besti uut de volhende soôrten:

• Pteroclididae (Zandoenders)
  • Heslacht: Pterocles
    • Witbuukzandoen (Pterocles alchata)
    • Dubbelbandzandoen (Pterocles bicinctus)
    • Bont zandoen (Pterocles burchelli)
    • Kroônzandoen (Pterocles coronatus)
    • Maskerzandoen (Pterocles decoratus)
    • Roôdbuukzandoen (Pterocles exustus)
    • Heêlkeêlzandoen (Pterocles gutturalis)
    • Indisch zandoen (Pterocles indicus)
    • Lichensteins zandoen (Pterocles lichtensteinii)
    • Namaqua-zandoen (Pterocles namaqua)
    • Zwartbuukzandoen (Pterocles orientalis)
    • Madahaskarzandoen (Pterocles personatus)
    • Vierbandzandoen (Pterocles quadricinctus)
    • Sahelzandoen (Pterocles senegallus)
  • Heslacht: Syrrhaptes
    • Steppehoen (Syrrhaptes paradoxus)
    • Tibetaons steppehoen (Syrrhaptes tibetanus)