Braziliaons Zeêuws: verschil tussen versies

Naar navigatie springen Naar zoeken springen
1 byte verwijderd ,  3 jaar geleden
k
:''Ziet ok: [[Zeêuwen in Brazilië]]''
===Ankomst in groôte armoe===
In de negentiende eêuwe trok Brazilië vee Europeaonen nae 't land, nessens Portugezen voraol Duutsers en Italiaonen. De meêsten nie-Portugese migranten goenge in 't zuje weune. Aoren wieren nao de staot Espírito Santo getrokke. Dae kwaemen in de eêste plekke vreêd vee [[Pommers]] naetoe (mensen uut [[Pommeren]], in dit geval uut Oôst-Pommere wat-a vandaeg d'n dag bie [[Polen]] 'oort), maer ok 'n stel Nederlanders. Vò zòver dan ze telle konde bin d'r tussen 1812 en 1900 504 Nederlanders nae Brazilië geëmigreerd, daevan (sindssind 1858) 323 nae Espírito Santo. Allemaele kwaeme ze van 't grondgebied van de moderne gemeênte [[Sluus (gemeênte)|Sluus]]. De belangriekste migratiedurpen waeren [[Zuuszande]], [[Kezand]], [[De Groe]], [[Truzement]], [[Sinte Pier]] (Nieuwvliet) en [[Schwòndieke]]. De kolonisten emigreerde omda Zeêland in dien tied in 'n economische crisis was. Butendien goeng d'n aerappelpest rond deu 't land.
 
Angekomme op de plekke in de gemeênte [[Santa Leopoldina]], die ulder waor toegeweze, bleek dan de contracten nie klopte. 't Land was nog glad onbewerkt en d'r stoenge zelfs gin 'uzen. Ok de gewassen ([[koffie]], [[cassave]]) en beêsten die-an ze ulder beloofd aodde, waere d'r nie. Toegang toet 'n dokter aodde ze ok nie, zòdao de sterfte in de eêste jaeren vreêd 'oôg lag. As keizer [[Peter II van Brezilië|Peter II]] in de jaeren zestig in de buurte kieke kwam, was t'n vreêd geschokt deu wat 'n dae zag. Wat wè geregeld was, was da mensen uut 'tzelfde land in dezelfde kolonie goenge weune en an 't werk wiere gezet. Neve Holanda was t'r ok Luxemburgo, Tirol en Suíça ('Zwitserland').
1.751

bewerkingen

Navigatiemenu