Slag bie Veere (1809)
De Slag bie Veere (30 juli - 2 auhustus 1809) mikt deel uut van de Britse Walcherenexpeditie van 1809, weera Britse soldaot'n het Koninkriek 'Olland binnenvielen om Antwerpen te kunnen bezetten. Nae ulder landing op Walchern viele ulder eerst Veere an. Ondanks anvankelijk verzet, mos' het garnizoen zich an de overmacht van Britten overgeve.
Verloôp
[bewerk | brontekst bewerken]Nae de landing op het Breezand in Noord-Walchern op 30 juli 1809 trok het 71e Iengelse linieregiment nae de versterkte garnizoensplek Veere. Mae ulder wiere anvankelijk ofgesloge deu vuur van het garnizoen van Veere onger overste Bogaert. Dirnae grendelde de vierde divisie van luitenant-generaal Alexander Mackenzie-Fraser Veere an de landkante of. De volgende ochend ontstong een artillerieduel tussen Britse kanonneerboôt'n in het Veerse Gat en geschut an land. Veertien 'Ollandse kanonneêrboôt'n deeje een uutval vanuut de Zandkreêke, mae wiere teruggedreven. Op 1 auhustus beschoten de Britten an de landkant de stad mie kanonnen op een afstand van minder as 300 meter. Onger'andelingen tussen beije partijen waere begonnen mae liepen an het eind van de ochend vast, zoôdat het schieten deurging tot zeven uur. De volgende ochend gaf de overste Bogaert zich over mie vier kompagnieën infanterie en een artilleriekompagnie, in totaâl vuufonderd man. De Iengelsen bezetten de stad tegen de middag. Het garnizoen wier 'krijgsgevangen' gemikt en nae Iengeland afgevoerd.[1]