Sigrid Kaag
.jpg)
Sigrid Kaag (Rieswiek, 2 november 1961) is een Nederlandse diplomaet en voormaelig politica van D66.
Kaag hroeide op in Zeist.
Zie studeêrde an den Universiteit Utrecht, in Caïro, in Iengeland (Universiteit van Oxford en Exeter), ant Instituut Clingendael in Den 'Aeg en an den École nationale d'administration (ENA) in Frankriek. Eur studiehebied betrof Araobisch, 't Midden-Oôsten en internationaole betrekkiengen.
Zie werkte bie Shell, 't ministerie van butenlandse zaeken en de Vereênigde Naoties (o.a. in Syrië en Libanon).
Int kabinet-Rutte III was zie van oktober 2017 toet meie 2021 minister van butenlandse 'andel en ontwikkelingssaemenwerkieng en van meie toet september 2021 minister van butenlandse zaeken.
Van maerte 2021 toet jannewari 2022 was zie (ok) lid van de Twidde Kaemer en deêls fractieveuzitter.
Int kabinet-Rutte IV was zie van jannewari 2022 toet jannewari 2024 minister van financiën en vicepremier.
Vadder was zie van september 2020 toet auhustus 2023 politiek leider van D66 (opevolgd deu Rob Jetten).
Van jannewari 2024 toet juni 2025 was zie VN-diplomaet vò den wederopbouw van den Gazastroôke en van jannewari toet juni 2025 eveneêns VN-gezant vò 't Midden-Oôsten.
Sins jannewari 2026 is zie lid van een ondersteun'nde raed vò den Gazastroôke.
Kaag is roôms-katteliek, veetaelig en hetrouwd mie Anis al-Qaq, een Palestijnse taandarts en voormaelig staetssecretaoris vò plannieng onger president Yasser Arafat as ook voormaelig ambassadeur in Zwitserland naemens Palestina.