Onafankelijkeid
Mee onafankelijk wor bedoeld, dat een land of staet nie (meer) bestierd wor deu een aor land en volledig kan beslissen over um z'n binnenlanse en butenlanse politiek.
De staotus van onafankelijkeid wor internationaol bepaeld door erkenning deu aore staten. Alleên onafankelijke lan'n kunne volledig lid worre van de Verenigde Naoties, maor dat bin ulder nie verplicht. Er bin lan'n weevan de onafankelijkeid internationaol nie of amper wor erkend. Een vòbeeld is de Turkse Republiek van Noord-Cyprus, dat alleêne deu Turkije wor erkend. Staeten die deu gin ienkele aore staet erkend worre, bin bevobbeeld Somaoliland en Nagorno-Karabach.
Bekend bin onafankelijkeidsverklaoringen van verscheie lan'n, de ouwst bewaerd ebleven verklaering is die van Schotland de Declaration of Arbroath en de mist recente is die van Abchazië de Onafankelijkeidsverklaoring van de Republiek van Abchazië[1]. Een aor vobeeld is de Declaration of Independence van de Vereênigde Staeten geschreven in 1776.
Rumer 'ezieje ka'j onafankelijkeid ok toepassen op persoônen en vereênigingen.