Mega Top 50

Uut Wikipedia
Naar navigatie springen Naar zoeken springen
3FM-studio waervandaen de Mega Top 50 oor uutgezonde

De Mega Top 50 is 'n hitparade en 'n wekeleks radioprogramma op 3FM dat begun as de Hilversum 3 Top 30 op 23 meie 1969. Joost den Draaijer was de diskjockey die 't programma presenteerde. Den eêste nummer 1-hit was Israelites van Desmond Dekker & The Aces. In 1971 wier het programma overgenome deur Felix Meurders die de naêm wiezigde in Daverende Dertig. Toen in juni 1974 de Nationale Hitparade in 't leven geroepe wier, kon je 'n kopietje van de lieste afhaêle bie de plaêtewienkel. Op den eêsten juli gebruukte het tillevisieprogramma TopPop de publieke hitlieste, die in mekaar gezet wier deur Buma/Stemra, laeter deur Intomart B.V. De Nationale Hitparade is uutgezonde deur de NOS en vanaf eind 1985 deur de TROS. Vanaf 1994, biena een jaer naedat de Mega Top 50 wier opgericht en uutgezonde, was 't den eênigste hitparade bie de publieke omroep. In 2004 gienge de (3FM) Mega Top 50 en de Single Top 100 d'r eigen weg; ze wazze aollebei voortgekomme uut den ouwe Mega Top 50. Van 1 meie 2006 tot en met 15 november 2014 brocht Bart Arens 't programma bie de luusteraer. Ie ei mee twee oare schrievers de vuuftigjaerige geschiedenis van de publieke hitparade beschreve. Sins september 2017 presenteert Jorien Renkema de hitlieste.

  • 1969-1974: Hilversum 3 Top 30 (sins 2 april 1971 is de naem gewiezigd in Daverende 30)
  • 1974-1993: Nationale Hitparade
    • 1974-1978 Nationale Hitparade (top 30)
    • 1978-1987 Nationale Hitparade (top 50)
    • 1987-1989 Nationale Hitparade Top 100
    • 1989-1993 Nationale Top 100
  • 1993 - 1997: Mega Top 50
  • 1997 - 2003: Mega Top 100
  • 2003 - 1 mei 2004: Mega Top 50 (den oôgste vuuftig van de Mega Top 100 wiere uutgezonde as de Mega Top 50)
  • 1 mei 2004 - noe : Mega Top 50

Boeken[bewerk | brontekst bewerken]

Jaer Titel Schriever(s) Beschrieving van den innoud ISBN
2004 Mega Charts Jubileumeditie Ed Hoogeveen Jubileumboek; gaet over de eêste tien jaere van Mega Charts ISBN 9789021540207
2013 Mega Top 50 presenteert: 50 Jaar Hitparade Bart Arens, Edgar Kruize, Ed Adams De volledige geschiedenis van de Nederlanse publieke hitparades van 1963 tot 2014 ISBN 9789000331000

Cd-rom[bewerk | brontekst bewerken]

Jaer Titel Uutgever Beschrieving van den innoud ISBN
2006 Mega Hitparade 1946-2006 Softmachine Publishing Int. volledige liesten van de hits in de Nederlanse hitparade van de jaeren 1946-2006 ISBN 90-76725-15-2