Landiengsmonument (Vlissienge)

Het Landiengsmonument an de Commandoweg in Vlissienge 'erinnert an de amfibische landing van Britse, Ollanse en Franse commando's van het No. 4 Commando op 1 november 1944. Nessens het Landiengsmonument stit het monument van de 52e Lowland Division.

Het Nationaal Monument voor de 4e Commando Brigade, zoas het Landiengsmonument officieel 'iet, is toet stand 'ekommen op initiatief van Britse oud-commando's in 1952.^[1]. Het monument is onthuld op 31 meie 1952 deu de minister van Oorlog, ir. C. Staf. Bie deze helegenheid marcheerden 250 oud-strijders deu de straeten van Vlissienge^[2].

De sokkel is an drie kanten van een tekste voorzieje. An de vookante stit de tekst: 'No 4 Commando'. An de ziekanten bin plaquettes an'ebrocht mee teksten in het Ollans, Iengels en Frans.
Op de linkerplaquette stit:

In memory of all ranks of nr. 4 commando who fell during the war 1939-1945
and to the local citizens of Flushing who were killed during the occupation and
at the hour of their liberation.

Op de rechterplaquette stit:

A la mémoire des officiers, sous-officiers et soldats du 4me commando et des loyaux citoyens de Flessengue 1939-1945
en
Aan de nagedachtenis van de gevallenen van het 4de commando en van de trouwe burgers van Vlissingen.

Op 3 november 1952 wier voo 't eêst de bevrijding van Vlissienge herdocht bie het Landiengsmonument^[3].

Literature

J.N. Houterman. Walcheren bevrijd, november 1944, eigen beheer, Middelburg, 1994.
J.L. Moulton. Slag om Antwerpen en de Schelde: de openstelling van de Schelde en de bevrijding van Antwerpen, 1944-1945, Hollandia, Baarn, 1984.
R.W. Thompson. Slag om de Schelde, Balans, 1984.

Zie ok

Rifferensies

[1] Zie: Provinciale Zeeuwse Courant, 12 april 1952, p. 7.

[2] Zie: Provinciale Zeeuwse Courant, 3 juni 1952, p. 1.

[3] Zie: Provinciale Zeeuwse Courant, 4 november 1952, p. 2.

[1]

[2]

[3]